የኢፌዴሪ አየር ኃይል በመጀመሪያ ዙር በኤር ፓሊስ ኮማንዶ ያሰለጠናቸውን የሰራዊት አባላት አስመረቀ።

የአየር ኃይል ምክትል አዛዥ ለአየር ሎጀስቲክስ ብ/ጄ ነገራ ሌሊሳ ፣ በጀግናው ሰራዊታችንና በህዝባችን መስዋዕትነት የተደቀነብን የህልውና አደጋ እየተቀለበሰ ይገኛል ብለዋል።

አየር ኃይል ለምድር ኃይላችን አስተማማኝ የውጊያ ድጋፍ ከመስጠት ባለፈ የጠላት ወረዳ ድረስ ዘልቆ በመግባት አሸባሪ ቡድኑ ላይ የማያዳግም እርምጃ እየወሰደ እንደሚገኝ ጄነራል መኮንኑ አስታውሰዋል።

ብ/ጄ ነገራ ሌሊሳ ተመራቂ የኤር ፖሊስ ኮማንዶ የሰራዊት አባላትም ለተቋሙ የግዳጅ አፈፃፀም ስኬታማነት ተጨማሪ አቅም በመሆናችሁ ለቀጣይ ተልዕኮ እራሳችሁን ይበልጥ በማዘጋጀት የሚጠበቅባቸውን ሁሉ ማድረግ እንደሚገባ አሳስበዋል።

የስልጠናው አስተባባሪ ኮ/ል ተፈራ እሸቴ በበኩላቸው ፣ ሰልጠኞች የሚሰጣቸውን ግዳጅ በብቃት መወጣት የሚያስችል ስልጠና በመውሰድ በላቀ ውጤት ማጠናቀቅ መቻላቸውን ገልፀዋል።

ከተመራቂዎች መካከል አንዳንዶች በሰጡት አስተያየት ፣ ስልጠናው ወደ ፊት የሚሰጠንን ማንኛውም ግዳጅ በፅናትና በቁርጠኝነት እንድንወጣ አጋዥ ነው ማለታቸውን ከመከላከያ ሠራዊት ገፅ ያገኘነው መረጃ ያመለክታል።

Leave a Reply

Your email address will not be published. Required fields are marked *