1000023134

በዎላይታ ዞን በተለያዩ ወንጀል ድርጊት የተጠረጠሩ አምስት አመራሮች በቁጥጥር ስር ዋሉ

በዞኑ በተለያዩ ወንጀል ድርጊት የተጠረጠሩ አምስት አመራሮች በቁጥጥር ስር መዋላቸዉን የዞኑ ፖሊስ መምሪያ አስታወቀ።

ተጠርጣሪዎቹ የመንግሥትንና የህዝብን አደራና ኃላፊነት ወደ ጎን በመተው በሙስና እና በተለያዩ ወንጀል ድርጊቶች ተጠርጥረው በቁጥጥር ስር መዋላቸውን ነው ፖሊስ የገለጸው።

በቁጥጥር ስር የዋሉት፦ 1ኛ. አቶ ተመስገን አለማየሁ የቀድሞ የዎላይታ ዞን የመንግስት ረዳት ተጠሪ እና የፖለቲካና የህዝብ ግንኙነት ዘርፍ ኃላፊ እንዲሁም የቀድሞ የዎላይታ ሶዶ ከተማ ከንቲባ የነበሩ

2ኛ. አቶ መስፍን ዳዊት የቀድሞ የዎላይታ ዞን የከተማና መሠረተ ልማት መምሪያ ኃላፊ እንዲሁም የአረካ ከተማ ከንቲባ የነበሩ። 3ኛ. አቶ ማዕረጉ አስራት የቀድሞ የሆብቻ ወረዳ ዋና አስተዳዳሪ የነበሩ

4ኛ. ወ/ሮ ተዋበች ተረጬ የቀድሞ የአረካ ከተማ የመንግስት ረዳት ተጠሪ እና የአደረጃጀት ዘርፍ ኃላፊ እንዲሁም 5ኛ. አቶ ከበደ ካንፌሶ የቀድሞ የቦሎሶ ሶሬ ወረዳ ትራንስፖርትና መንገድ ልማት ጽ/ቤት ኃላፊ መሆናቸውን ፖሊስ አስታውቋል።

አያይዘዉም አመራሮቹ በቁጥጥር ሥር ዉለዉ በህግ እንዲጠየቁ ምርመራ መጀመሩን የዞኑ ፖሊስ መምሪያ ገልጿል።

በመጨረሻም ህብረተሰቡ በሌሎች አካባቢዎችም በህገ ወጥ ወንጀል ድርጊቶች የሚሳተፉ ተጠርጣሪዎችን መረጃ በመስጠት የተለመደዉን ትብብርና እገዛ እንዲያደርግ የዞኑ ፖሊስ መምሪያ ጥሪ አቅርበዋል።

የዎላይታ ታይምስ ሚዲያ በአከባቢው ባለው ብልሹ አሰራሮች ዙሪያ በተደጋጋሚ ተጨባጭ መረጃዎችን ሲያቀርብ እንደነበር ይታወቃል። ዝርዝሩን እናቀርባለን!!