በዞኑ በሁሉም መዋቅሮች ከ13 ሺህ በላይ የመንግስት ተሿሚዎችና ሠራተኞች የሀብት ምዝገባ ተካሂዷል።
የጋሞ ዞን አስተዳደር ጽህፈት ቤት የሥነ ምግባር መከታተያ ክፍል ኃላፊ አቶ ግርማ ከተማ በቸልተኝነትና ብልሹ አሠራር ባክኖ የነበረ 7 ሚሊዮን 58 ሺህ ብር እና 23 ሺህ 261 ካሬ ሜትር የከተማ ቦታ በኦዲት ግኝት ዉሳኔ ለማስመለስ መቻሉንም አስረድተዋል።
የጋሞ ዞን አስተዳደር ጽህፈት ቤት የሥነ ምግባር መከታተያ ክፍል ኃላፊዉ አቶ ግርማ ከተማ እንደተገለፁት መንግሥት ባወጣዉ የሀብት ማሳወቅና ምዝገባ አፈፃፀመም አዋጅ መሠረት በዞኑ ሁሉም ደረጃዎች የሚገኙ የመንግስት ተሿሚዎች፣የህዝብ ተወካዮችና የልማት ድርጅት ሠራተኞች የሀብት መጠን ተጣርቶ ተመዝግቧል።
ኃላፊዉ አክለዉም በበጀት ዓመቱ ከ2 ሚሊየን 205 ሺህ 304 ብር ፣ 2 ሺህ 85 ካሬ ሜትር የከተማ መሬት ፣ 6ሺህ 672 ሄክታር የገጠር መሬት ፣ የፎቶ ኮፒ ማሽን እና ላፕ ቶፕ ኮምፕዩተር በቅድመ መከላከል ሥራዎች ለማዳን የተቻለ መሆኑን ገልጸዋል።
በዞኑ በሥነ ምግባርና ሙስናን በመከላከል ዙሪያ ከ36ሺህ 200 በላይ ሠዎች የገፅ ለገፅ ስልጠና ያገኙ ሲሆን፣ በሌሎች አማራጮችም ግንዛቤ ማስጨበጫ እንዲደርስ መደረጉ ተገልጿል።
ከተለያዩ ድርጅቶች 76 ጥቆማዎች ደርሰው 69 ጥቆማዎች አስተዳደራዊ፣ ፖለቲካዊ እና ህጋዊ እርምጃ እንዲወሰድባቸው ለክልሉ ፀረ ሙስና ኮሚሽን የማቅረብ ሥራ መሰራቱን የዞኑ ኮሙኒኬሽን መምሪያ ዘግቧል።
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡-
https://www.facebook.com/wolaitatime/
ቴሌግራም፦
https://telegram.me/Kiikiya
ዩቲዩብ፦
https://youtube.com/wolaitatimes/ በመጠቀም መረጃዎችን ማግኘት ይቻላል።
Wolaita Times, 07/11/13 E.C , Sodo, Ethiopia🇪🇹
