በዎላይታ ዞን ስፖርት ም/ቤት አዘጋጅነት በተጀመረው በዚሁ ውድድር በአገርቱ በተለያዩ ክለቦች በፕሪሚየር ሊግ ፣ በከፍተኛ ሊግ ፣ በብሔራዊ ሊግ እና በዲቻ U-20 የሚጫወቱ ልጆች መሳተፋቸውን የዎላይታ ዞን ባህል ቱሪዝምና ስፖርት መምሪያ ምክትል እና የስፖትር ዘርፍ ኃላፊ አቶ አኮዬ ገካ ተናግረዋል።
የስፖርቱ ዓላማ የዎላይታ አካባቢ ወጣቶችን ለአከባቢው ማህበረሰብ ማስተዋወቅ የእርስ በእርስ ግንኙነት ማጠናከር ብሎም ታዳጊ ወጣቶችን አርአያነትን እንዲያስተምሩ ታስቦ መዘጋጀቱን ነው ኃላፊው አክለው የገለፁት።
ሰኔ 26 /2013 ዓ.ም የተጀመረው ውድድሩ እስከ ሐምሌ 25 /2013 ድረስ እንደሚቆይ የጠቆሙት የቀድሞ የወላይታ ድቻ ስፖርት ክለብ አሰልጣኝና የውድድሩ አስተባባሪ አቶ ደለለኝ ደቻሳ በውድድሩ ስምንት ቡድኖች መሳተፉቸውን ተናግረዋል።
2ኛ ሳምንቱን በያዘው በዚሁ ውድድር ቄራ ምርጥ ቡድን በ7 ነጥብ 1ኛ ሲሆን ዲቻ U-20 በ6 ነጥብ 2ኛ ቦዲቲ ምርጥ ደግሞ 3ኛ ሆነው ደረጃውን እየመሩ ሲሆን ጋላክሲ እና አረካ ቡድኖች የቡድኑን ግርጌ መያዛቸውን ገልፀዋል።
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡-
https://www.facebook.com/wolaitatime/
ቴሌግራም፦
https://telegram.me/Kiikiya
ዩቲዩብ፦
https://youtube.com/wolaitatimes/ በመጠቀም መረጃዎችን ማግኘት ይቻላል።
Wolaita Times, 07/11/13 E.C , Sodo, Ethiopia🇪🇹
