ለሁለት ቀናት ሲካሄድ የቆየው የዎላይታ ዞን ምክር ቤት ባደረገው 4ኛ ዙር 9ኛ የሥራ ዘመን 1ኛ መደበኛ ጉባኤ 2014 በጀት ዓመት ለሥራ አፈጻጸም የሚሆን 5.2 ቢሊዮን ብር በማፅደቅ መጠናቀቁ ተገልጿል።
የዞኑ ምክር ቤት ባካሄደው 4ኛ ዙር 9ኛ የሥራ ዘመን 1ኛ መደበኛ ጉባኤ የ2013 በጀት ዓመት የሥራ ክንውንና 2014 በጀት ዓመት ዕቅድ ረፖረት ቀርበው ውይይት የተደረገ ስሆን በቀጣይ መሻሻል ያለባቸው ጉዳዮችን በተመለከት በሰፍው አሰተያየት ተሰጥቶ አቅጣጫ ተቀምጧል ።
በተላይ የግብርናውን ሥራውን በማዘመን ምርትና ምርታማነትን ለማሳደግ የአርሶአደሮችን የዘመናዊ ቴክኖሎጂ አጠቃቀም ጋር የሚስተዋሉ ችግሮች ሊቀረፉ ይገባል ብለዋል።
ይህንን ችግር በመቅረፍ ባሳለፍነው በጀት ዓመት የተከሰተውን የአየር መዛባት ተከትሎ ያጋጠመውን የምርት እጥረት ለማካካስ በቁርጠኝነት ለመስራት መታቀዱን የዞኑ አሰተዳደር ዶክተር እንድሪያስ ጌታ
ተናግረዋል ።
በ2014 በጀት ዓመት 76 ሽህ 1መቶ 82 ሄክታር መሬት በላይ ማሳ በተለያዩ የሰብል አይነቶች ለመሸፈን የታቀደ መሆኑን የተናገሩት ዶክተር እንድሪያስ ከዚህም 11 ሚልዮን 1መቶ 97 ሽህ ኩንታል በላይ ምርት ለማግኘት መታቀዱን አክለዋል ።
በሌላ በኩል ደግሞ በዞኑ በስፋት እየተስተዋለ ያለውን የሥራ አጥነት ቁጥር ለመቀነስ ከተለያዩ መንግስታዊና መንግስታዊ ካልሆኑ ተቋማት ጋር በመተባበር ለወጣቶች ግዚያዊና ቋሚ የሥራ ዕድል ለመፍጠር በቅንጅት መሰራት እንዳለበት አቅጣጫ ተቀምጧል ።
ለዚህም የግል ኢንቨስትመንት ዘርፍ የማስፋፋት ሥራ ልዩ ትኩረት ሊሰጠው እንደሚገባም ጉባኤው በጥልቀት መክሯል ።
ለሥራው ስኬታማነት 2014 በጀት ዓመት የኢንቨስትመንት ዘርፉን በማጠናከር በግብርና 8 የግል ባለሀብቶች፣ በኢንዱስትሪ ደግሞ 18 እንድሁም በአገልግሎት ዘርፍ 29 የግል ኢንቨስተሮችን ወደ ሥራ ለማስገባት መታቀዱንም የዞኑ አሰተዳደሪ ዶክተር እንድሪያስ ጠቁመዋል ።
የተመደበውን በጀት በተገቢው ከመጠቀም አኳያና የህዝብና የመንግስት ሀብት ሳይባከን ለታለመለት የመሰረት ልማት ሥራዎች እንዲውል በምክር ቤት ቋሚ ኮሚቴ ደረጃ ተገቢ ክትትልና ቁጥጥር መደረግ እንዳለበት አቅጣጫ ተቀምጧል።
ይህንን የተሰጠውን የህዝብና የመንግስት ኃላፊነት በተገቢው ለመወጣት በቁርጠኝነት እንደሚሰሩ የዞኑ ምክር ቤት ዋና አፈ ጉባኤ ወይዘሮ አበበች እራሾ ተናግረዋል ።
እንደ ደሬቴድ ዘገባ በተላይ አንዳንድ ተቋማትና ግለሰቦች ላይ ያለው የመንግስት ዕዳ አመላለስ ጋር እየተስተዋለ ያለውን የአፈር ማዳበሪያ ዕዳ አመላለስ ጉድለት ለማረም በትኩረት መሰራት እንዳለበትም ተናግረዋል።
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡-
https://www.facebook.com/wolaitatime/
ቴሌግራም፦
https://telegram.me/Kiikiya
ዩቲዩብ፦
https://m.youtube.com/channel/UCQy9hoOijiE8FStts2SmtXw?noapp=1
በመጠቀም መረጃዎችን ማግኘት ይቻላል።
Wolaita Times, 14/12/13 E.C , Sodo, Ethiopia🇪🇹

