በጉጉት ሲጠበቅ የቆየው የዎላይታ ተሌቪዥን በመጪው ሐሙስ በቀን 20/12/2013 ዓ.ም ከሙከራ ስርጭት ወደ መደበኛ ስርጭት በይፋ እንደሚገባ ተነግሯል።
የቴለቪዥን ጣቢያ በይፋ ወደ ሥራ መግባቱንም ምክንያት በማድረግ የፈደራልና ክልል አመራሮች፣ እንዲሁም ከክልሉ ከሁሉም ዞኖችና ልዩ ወረዳዎች ብሔር ብሔረሰቦች የተወጣጡ ተወካዮችም በማብሰሪያ ፕሮግም ላይ ተሳታፊ ይሆናሉ ተብለው ይጠበቃል።
የዎላይታ ብሎም የአጎራባች አከባቢዎችና የሁሉም የሆነዉ ይህ ተሌቪዥን ጣቢያ ማህበረሰቡን ዓለም በመረጃ በደረሰበት ለማንቃትና የተጠቃሚዎችን ባህል፣ ወግ፣ እሴትና ቋንቋ ለማሳደግም ፋይዳዉ የጎላ መሆኑ ይታወቃል።
ጣቢያው በዋናነት የብሄሩን ባህልና መልካም ገፅታ ለተቀረው አለም ከማስተዋወቅ ባለፈ አካባቢውን ከአጎራባች እንዲሁም ከሀገራዊ ሁኔታ ጋር በማህበራዊና በኢኮኖሚያዊ ጉዳዮች ማስተሳሰርና አንድነትን በሚያጎለብት ጉዳዮች ላይ ትኩረት አድርጎ ለመስራት የሚያስችል ቁመና ለመፍጠር ቀዳሚውን ድርሻ ይወጣል ተብሎ ይጠበቃል🙏
Frequency- 11165,
Symbol rate- 45000, Polarization- Horizontal
በዎላይታ ዞን ውስጥ መጪው ሐሙስ የሚጀሚረው የዎላይታ ቴለቪዥን ጨምሮ አንድ የማህበረሰብ ሬዲዮ(ዎገታ ኤፌ ኤም)፣ አንድ የንግድ ሬዲዮ(ፋና) እንዲሁም አንድ የግል የበይነመረብ መገናኛ ብዙሃን(Wolaita Times Media) ከኢትዮጵያ መገናኛ ብዙሃን ባለስልጣን ህጋዊ ፈቃድ ወስደው እየሰሩ እንደሆነ ይታወቃል።
ሚዲያ ማህበረሰቡ በኢኮኖሚያዊ፣ ማህበራዊ እና ፓለቲካዊ መስተጋብሮች ላይ ተጠቃሚ እንዲሆኑና አከባቢውን ለማስተዋወቅ ትልቅ ሚና ይጫወታልና እንጠቀምበት🙏
