የደቡብ ክልል የከተማ ልማትና ኮንስትራክሽን ቢሮ ሴክቶሪያል ጉባኤ በዎላይታ ሶዶ ከተማ እየተካሄደ ነው።
ሴክቶሪያል ጉባኤውን አስመልክቶ የእንኳን ደህና መጣችሁ መልዕክት ያስተላለፉት የዎላይታ ሶዶ ከንቲባ አቶ መርክነህ ማለዳ፣ መላውን የከተማ ህዝብ በማሳተፍ የህብረተሰቡን ፍላጎት ደረጃ በደረጃ እየፈቱ እንደሚገኙ ጠቁመው፣ የከተማው ዕድገት ቀጣይነት እንዲኖረው አሁን ላይም በትጋት በትጋት እንሰራለን ብለዋል፡፡
በበጀት ዓመቱ በርካታ የመሰረተ ልማት ዝርጋታዎች ተከናውነዋል ያሉት ከንቲባው፣ በ2013 ታህሳስ ወር ላይ የመርካቶ ገበያ በደረሰበት የእሳት ቃጠሎ ለመታደግ የክልሉ መንግስትና የከተማ ልማትና ኮንስትራክሽን ቢሮ ባደረገው ድጋፍ ምስጋናቸውን አቅርበው የገበያ ማዕከሉም እየተገነባ መሆኑን ተናግረዋል፡፡
በሴክቶሪያል ጉባኤው የተገኙት በም/ርዕሰ መስተዳደር ማዕረግ በከተሞች የመሰረተ ልማት ዘርፍ አስተባባሪና የከተማ ልማትና ኮንስትራክሽን ቢሮ ኃላፊ አቶ ተስፋዬ ይገዙ ለሃገራችን ነጻነትና ለኢትዮጵያ ህልውና እየተዋደቀ ያለውን የኢትዮጵያ መከላከያ ሰራዊት ጀግንነትነማ ተጋድሎ ከጉባኤው ተሳታፊ ጋር አድናቆታቸውን ገልጸዋል፡፡
የሽብር ቡድኑ የከፈተብንን ጸረ- አንድነትና ጸረ-ልማት ለመመከት ከጀግናው መከላከያ ሰራዊት ጎን ተሰልፈን የጀመርነውን ድጋፍ እናጠናክራለን ያሉት አቶ ተስፋዬ አፈጻጸማችን ስንገመግም የህዝባችንን አንድነት በሁለንተናዊ መልኩ ተጠቃሚ በማድረግ ነው ብለዋል፡፡
በከተማ መሬት ልማትና ማኔጅመንት የወጡ መመሪያዎችና ደንቦች ሲተገበሩ መቆየታቸውን በመገለፅ በመሬት ዝግጅት በኩል የተሸለ አፋጻጸም ቢታይም መሬትን ለአልሚዎች ከማስተላለፍ አንጻር በሁሉም አካባቢዎች ውስንንት እንዳለባቸው ተናግረዋል፡፡
በክልሉ ባሉ ከተሞች በህገ ወጥ መንገድ የከተማ መሬት እየተያዘ መሆኑንና የሌባና ፖሊስ ሩጫ ለከተሞች እድገት እንቅፋት መሆኑን አውቀን ህገ ወጦችን መከላከል ይኖርብናል ነው ያሉት፡፡
ከመሬት ምዝገባ ጋር ተያይዞ ተግባራቱን በጀመሩ ከተሞች በተሻለ መልኩ መፈጸሙና ለህገ ወጦች ዋሳሻ የሚሆነውን መሬት ዘርፉን በመጠቀም መከላከል እንደሚቻለም ተገልቷል፡፡
ዜጎች በከተሞቻችን በሰላምና በተረጋጋ መልኩ እንዲኖሩ ለማድረግ መስራት እንዳለብን የሚታመን ቢሆንም አመራሩ ለዘርፉ የሚሰጠው ትኩረት አነስተኛ መሆኑም ተጠቁሟል፡፡
የገጠር ማዕከላትን ወደ ከተማ የመቀየርና ወደ ፈርጅ ከመለወጥ አንጻር በበጀት አመቱ ሰፊ ስራ መሰራቱን የተናገሩት አቶ ተስፋዬ በውስን የሰው ሃይል ህዝባዊ አገልግሎት መስጠት እንደሚገባም ተናግረዋል፡፡
በኮንስትራክሽን ዘርፉ የተሰማሩ አካላት የገበያ መዋዠቅንና ሌሎች ክፍተቶችን በመጠቀም በዘርፉ ላይ ችግር እንዳይፈጥሩ መስራት ይኖርብናል ሲሉም ገልጸዋል፡፡
የ/ ክ/ከ/ል/ ኮ/ቢሮ ቢሮ ዘገባ ከተሞች ህዝብን በተደራጀና በተቀናጀ መልኩ በማሳተፍ ሰፊ ስራ እየተሰራ እንደሚገኝ የተናገሩት ቢሮ ኃላፊው በቀጣይም ህዝባዊ ንቅናቄ መፍጠርና የልማቱ ባለቤት አድርገን መስራት ይጠበቅብናል ብለዋል፡፡
በአጠቃላይ ከተሞች የህገ ወጥ ዋሻ ሳይሆኑ የዘመናዊነት መገለጫ መሆናቸውን አውቀን መስራት ይኖርብናል ሲሉ አቶ ተስፋዬ ተናግረዋል፡፡
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡Wolaita Timese/
ቴሌግራም፦
https://telegram.me/Kiikiya
ዩቲዩብ፦
https://m.youtube.com/channel/UCQy9hoOijiE8FStts2SmtXw?noapp=1
በመጠቀም መረጃዎችን ማግኘት ይቻላል።
Wolaita Times, 17/12/13 E.C , Sodo, #Ethiopia🇪🇹


