ሰውን ለመርዳት የግድ ብዙ ሃብት ያካበትን ቱጃር ባለጠጋ መሆን አይጠበቅብንም። ነገር ግን ለተቸገሩ ወገኖች የሚራራ መልካም ልብ ካለን ብቻ በቂ ነው፣ ለዚህም ከዎላይታ አከባቢ ለሥራ ወደ ተለያዩ የአረብ አገር የሄዱ እህቶቻችን ምስክር ናቸው።
እነዚህ እህቶች በዎላይታ ሶዶ ከተማ በሚኖሩ የበጎ ፈቃደኘነት ሥራ በሚሰሩ ወገኖች በኩል ኑሮአቸውን መንገድ ዳር ያደረጉ የጎዳና ተዳዳሪ ህጻናትንና እናቶችን ለመርዳት ካላቸው ጽኑ ፍላጎት የተነሳ ከላይ በተጠቀሱ በጎፈቃደኞች ስም በዎላይታ ሶዶ ላይ የባንክ ሂሳብ አስከፍተው እስካሁን ከ27000 (ሃያ ስባት ሺህ) ብር በላይ በስደት ካሉበት የአረብ አገራት ሆነው በተከፈተው የባንክ ሂሳብ ላይ ወደ ኢትዮጵያ ገንዘብ አስተላልፏል።
በዚህም ለ50 የጎዳና ተዳዳሪ ህጻናት የሚሆን 50 ሙሉ ልብስ ከአድስ አበባ በመግዛት በአድሱ ዓመት አድስ ልብስ ለማልበስ ዝግጅት መጠናቀቁን ይህንን የበጎ አድራጎት ሥራ በዎላይታ ሰዶ እርዳታ አድራጊዎችን በመወከል የሚያስተባብሩት አቶ ደሳለኝ ደምሴ ለዎላይታ ታይምስ ሚዲያ ገልጸዋል።
አቶ ደሳለኝ ጨምሮ እንደገለፁት ከጎዳና ተዳዳሪ ህጻናት በተጨማሪ በአድስ ዓመት መለወጫ በዓል ቀን የተለያየ የኑሮ ችግር ላለባቸው ቤተሰቦችና ግለሰቦች የምሳ ግብዣ በማድረግ በዓሉን ከእነዚህ ወገኖች ጋር አብሮ እንደሚያሳልፉና ለዚህም የተጠቃሚዎች ልየታ እየተደረገ እንደሆነ ተናግረዋል።
በተለያዩ አረብ አገራት የሚገኙ ሴት እህቶቻችን ለወገኖቻቸው ያሳዩት ፍቅር እጅግ የሚደነቅና ለሌሎች እንደ አረአያ ልወሰድ የሚችል ተግባር መሆኑን አክለዋል። ከእነዚህ እህቶች መካከል የተወሰኑት ፎቶግራፍ ይሄውላችሁ🙏
ይሄንን መልዕክት የዎላይታ ታይምስ ሚዲያ በማህበራዊ አግልግሎት ዘርፍ በነፃ ለመስጠት ባቀደው ዕቅድ መሠረት የተላለፈ ነው🙏
በጎ ስራ እናበረታታሃለን🙏
