ዩኒቨርሲቲው በተቀናጀና በተሳትፏዊ የአመራር መርህ ከመላው የተቋሙ ሰራተኞች ጋር በተሰራ ስራ በተጠናቀቀው በጀት ዓመት ለትኘው አጠቃላይ ውጤት እናም በትምህርት፣ ምርምር፣ ቴክኖሎጂና ኢንዱስትሪ ትስስር ኮንቬንሽን (HEART CONVENTION-2021) በተገኘው ድል ማኔጅመንቱ ላበረከተው አስተዋጽኦ መታሰቢያ ይሆን ዘንድ የአስተዳደር ሠራተኞች የእውቅንና ምስጋና ሽልማት አበርክተዋል።
በሽልማት መርሃግብሩ ላይ ተገኝተው የመክፈቻ ንግግር ያደረጉት የዩኒቨርሲቲው ፕሬዝዳንት ጽ/ቤት ኃላፊ አቶ ዳንኤል ዳቼ እንደ ተቋም ለተመዘገበው ድል የአመራሩ ሚና ከፍተኛ እንደሆነ ተናግረዋል።
በዩኒቨርሲቲው ሰላማዊ መማር ማስተማር እንዲሰፍን እና እንዲረግልገጥ፣ ችግር ፈቺ ጥናትና ምርምር እንዲካሄድ፣ የማህበረሰብ አገልግሎት በፍትሃዊነት ተደራሽ እንዲሆን የማድረግ፣ የቴክኖሎጂ ሽግግርና ስርጸት ስራ እንዲስፋፋ የማድረግ፣ ኮሮናን የመካላከል ስራ እንዲጎለብት የማድረግ፣ የአረንጓዴ አሻራ ስራ እንዲጠናከር የማድረግና የድጋፍ እና አመራር የመስጠት ተግባር የመጠናከር ለሽልማት ያበቃ መሆኑን የጽ/ቤተ ኃላፊ ጠቁመዋል።
የዩኒቨርሲቲው ፕሬዝዳንት እና ምክትል ፕሬዝዳንቶችም በየተመደቡበት የሥራ መስክ ውጤታማ ስራ በመስራታቸው ብሎም ተቋማዊ አሰራርን ተከትለው የተረጋጋ የስራ ከባባዊ ሁኔታን በመፍጠራቸው ይህ የእውቅናና የምስጋና ሽልማት መዘጋጀቱን አቶ ዳንኤል ገልጸዋል።
“እውቀትን በተግባር” በሚል መርህ ተቋሙን እየመራ የሚገኘው የዎላይታ ሶዶ ዩኒቨርሲቲ ማኔጅመንት ለሠራተኞች ምቹ የስራ ምዕዳርን በመፍጠር በተለይም ነጻ የትምህርት ዕድል ነጻ የህክምና አገልግሎትን በማመቻቸት ላበረከተው አስተዋጽኦ ከአስዳደር ሰራተኞች የዋንጫ ሽልማት ተበርክቶለታል።
የዩኒቨርሲቲው ፕሬዝዳንት ፕሮፌሰር ታከለ ታደሰ፣ የአካዳሚክ ጉዳዮች ምክትል ፕሬዝዳንት ዶ/ር ሙላቱ ዴአ፣ የምርምርና ማህበረሰብ አገልግሎት ምክትል ፕሬዝዳንት ዶ/ር መስፍን ቢቢሶ፣ የአስተዳደርና ተማሪዎች አገልግሎት ምክትል ፕሬዝዳንት ዶ/ር አብርሃም ቦሻ፣ የቢዝነስና ልማት ምክትል ፕሬዝዳንት ዶ/ር ተክሌ ሌዛ እንዲሁም የኦቶና ህክምንናና ጤና ሳይንስ ኮሌጅ ዲን ዶ/ር ሉቃስ ዲንጋቶ አመራር በመስጠት እና ድጋፋዊ ክትትል በማድረግ ላበረከቱት አስተዋጽኦ የክርስታል ዋንጫ፣ የሰርተፍኬት፣ የገንዘብና፣ አብሮነትን የሚያሳይ ፎቶ በሽልማት መልክ በተናጠል ተበርክቶላቸዋል።
ሳይንስና ከፍተኛ ት/ት ሚኒስትር ባዘጋጀው የከፍተኛ ትምህርት ምርምር፣ ቴክኖሎጂ እና የኢንዱስትሪ ትስስር ኮንቬንሽን (HEART CONVENTION 2021) የዩኒቨርሲቲው ፕሬዝዳንት ክቡር ፕሮፌሰር ታከለ ታደሰ በኢትዮጵያ ከሚገኙ የአፕላይድ ሳይንስ ዩኒቨርሲቲ አመራሮች መካከል በአመራር ብቃት 1ኛ በመውጣት ላስመዘገቡት ድል የዩኒቨርሲቲው አስተዳደር ሠራተኞች በግላቸው የክርስታል ዋንጫ እና ሰርተፍኬት ሸልመዋቸዋል።
እንደ ዩንቨርስቲው ኮሙኒኬሽን ዳይሮክቶሬት ዘገባ ዩኒቨርሲቲው ፕሬዝዳንት እና ምክትል ፕሬዝዳንቶች ከአስተዳደር ሠራተኞች ለተደረገላቸው የእውቅናና ምስጋና ሽልማት የተሰማቸውን ልባዊ ደስታም ገልጸዋል።
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡Wolaita Timese/
ቴሌግራም፦
https://telegram.me/Kiikiya
ዩቲዩብ፦
https://m.youtube.com/channel/UCQy9hoOijiE8FStts2SmtXw…
በመጠቀም መረጃዎችን ማግኘት ይቻላል።
#WolaitaTimes, 20/01/14 E.C , Sodo, #Ethiopia🇪🇹


