1000025450

የደቡብ ኢትዮጵያ ክልል ወቅታዊ ጉዳዮች ዘገባ በጋዜጠኛ ናትናኤል ጌቾ

በማዕከላዊ መንግስት ትኩረት የተነፈገው የደቡብ ኢትዮጵያ ክልል ሁኔታ አሳሳቢ ደረጃ መድረሱ ተጠቁሟል።

በደቡብ ኢትዮጵያ የሚኖረዉ ሕዝብ በባህሉ ፈጣሪን የሚፈራ በመሆኑ እየደረሰበት ያለውን መንግስታዊ በደልና ጭቆና ጊዜ ይፍታ በሚል እምነታቸው ይግባኝ ለፈጣሪ ብለዋል፡፡

የዎላይታ ታይምስ በተለይም በዚሁ ደቡብ ኢትዮጵያ ክልል መንግስታዊ እንቅስቃሴዎችን ከፓለቲካ፣ ከኢኮኖሚ እንዲሁም ከማህበራዊ ተግባር አንፃር በቅርበት እየተከታተለ መረጃዎችን እንደሚያቀርብ ሚዲያ አጠቃላይ የክልሉን የሩብ አመት ሪፓርቱን የተለያዩ መረጃ ምንጮችን ዋቢ በማድረግ ይሄንን ጥንቅር አሰናድቶ አቅርቧል።

መረጃዎች እንደሚያመላክቱት በዚሁ ጠያቂ የለሌው የደቡብ ኢትዮጵያ ክልል መንግስት እመራለዉ የምለዉ ሕዝብ በእርስበርስ ሹኩቻ በማከፋፈል ዞኖችንም ተከፋፍለው በመያዝ አጀንዳ ቀርጾ በመስጠት በተሰጡ አጀንዳዎች መዋቅሮችና አመራሩ ስወዛገቡና ስሻኮት ጥቂት በጥቅም የተሳሰሩ ሴረኛና አጀንዳ አከፋፋይ ቡድኖች የራሳቸዉን የሌብነት ሰንሰሌት በጽኑ በመዘርጋት በመንግስት የሚሰሩ ፕሮጀክቶች ገንዘብ ሳይቀር እየተቀራመቱ ይገኛሉ፡፡

ለማሳያነት በክልሉ እንደ ፖለቲካ ስበት ማዕከል የሚትቆጠረዉ ዎላይታ በቀድሞ ባንክ ገዥ በአሁኑ የጠቅላይ ሚኒስትሩ የኢኮኖም አማካሪ በሆኑት በአቶ ተክለወልድ አጥናፉ የበላይ ጣባቂነት በክልሉ ምክትል ርዕሰ መስተዳድር በአቶ ገብረ-መስቀል ጫላ መሪነት ከ500 በላይ አመራሮች ከአመራርነት በማንሳት ለሌብነት በሚሆን መልኩ የጫላዝም አደረጃጀት (ልጅ፣ ወንድም/እህት፣ የአክስት/የአጎት ልጅ፣ አክቲቪስት፣ የራሳቸዉን ጎሳ ባካተተ መልኩ እንድሁም ከዚህ በፊት የነበሩ አመራሮችን የሚቃወም) ተፈጥሯል፡፡

ይህንን ፀረ-ብልፅግና አካሄድ የተቃወሙና ቅሬታቸዉን ለፈደራል ብልፅግና ፓርቲ ያቀረቡ አመራሮች “ሙስና” በሚባል ዳቦ ስም በእስር ላይ ይገኛሉ፡፡

በክልሉ በተለያዩ ዞኖች በስመ በሪፎርም ተግባር ከ1600 በላይ የተለያዩ የፓርቲ ስልጠና የወሰዱ ወጣት አመራሮች ከሃላፊነት እንድነሱ ተደርጓል፡፡

በተመሳሳይ መልኩ የመብት ጥያቄ ያቀረቡና ሥልጣን ላይ ላሉ ቡድኖች የማይመቹ ናቸዉ ተብሎ የሚገመቱት በጋሞ፣ በኮንሶ፣ በኮሬ፣ በደቡብ ኦሞ እና በጎፋ በእስር ላይ ይገኛሉ፡፡

ክልሉ የነዋሪዎች የሰብአዊና ድሞክራሲያዊ መብቶች በጠራራ ፀሐይ የምገፈፍበት፣ ሥር የሰደደ ጭቆናና ጸረ ድሞክራሲ የሰፈነበት ክልል ስለመሆኑ በየቀኑ በምደረገዉ እስራትና ግርፋት፤ ሞትና መፈናቀል ማወቅ ይቻላል፡፡

የህግ የበላይነት እዉቅናና ክብር የመስጠት ጉዳይ በክልልችን ነውር ሆኗል፣ ግለሰቦችን ሳይሆን ህግን ያከበሩ ዜጎች ባልታወቀና ለእሳቸው ሥራ በተዘጋጀዉ ህግና ለዛ ህግ አስከባሪዎች ቅጣትና እና የስቃይ ህይወት የሚገፉ ይሆናሉ፡፡

በከበሩ ማዕድናት ዙርያ ያለዉ እሽቅድምድም እና በስመ በኢንቨስትመንት ዘመድ አዝማድ በማደራጀት የከተማ መሬት ዝርፍያዎችን በዎላይታ ሶዶ እና በአርባ ምንጭ ከተሞች የሚያካህድ፤ የተፈቀደ በምመስል መንገድ ሕገ ወጥ ንግድና ኮንትሮባንድ (በተላይም የመድሀንት እና ጦር መሣሪያ) ዝዉዉር በዲላ እና በኮንሶ መግቢያ በመንግስት መኪኖች ተጭኖ በፖሊስ እጀባ ወደ መሀል አገር የምያስገባዉ በደቡብ ኢትዮጵያ ክልል መንግስት ዕዉቅና ነዉ፡፡

ጠቅላይ ሚኒስትር ዐቢይ አሕመድ (ዶ/ር) በመስከረም ወር መጀመሪያ በአዳማ ከተማ በተካሄደዉ የብልጽግና ፓርቲ ከፍተኛ አመራሮች ስልጠና ማጠቃለያ ተገኝተው አንዳንድ የክልል ርዕሳነ መስተዳድሮች ዋና ተግባራቸውን ዘንግተው በአጀቢዎች ብዛትና ጋጋታ ሕዝብን በማዋከብ ገዥ ለመሆን ይሰራሉ፤ ከቦታ ወደ ቦታ እየዞሩ አበባ ይቀበላሉ፤ ስዞሩም ምግብ የሚያበስልላቸው ሼፎችን ቀጥረው ይዞ ይዞራሉ ያሉት የደቡብ ኢት/ያ ክልል መንግስት ዋና መገለጫ ነዉ፡፡

የደቡብ ኢትዮጵያ ክልል ከፍተኛ አመራሮች ዉሎ አዳራቸዉ አለም አቀፍ ሆቴሎች ስሆን የክልሉን ፖለቲካ የሚመሩት በየሆቴሎቹ በሴተኛ አዳሪዎች ጋር ዉስኪ እየተራጩ እንደሆነ እስከ ፌዴራል መንግስት ድረስ የሚታወቅ ሐቅ ነዉ፡፡

ይህ ተግባር ደግሞ ከክልላችን ህዝቦች ባህልና ሃይማኖት ያፈነገጠና የብልፅግና አመራርን የማይመጥን ነዉረኛ ድርግት ነዉ፡፡

በአጠቃላይ የክልሉ ፊት አመራሮች ነባር ክልል እንዲፈርስ ገፍ የሆኑ ምክንያቶችን በተላይም ስልጣንን ለገዥነት መጠቀምን፣ የልማት ኢ-ፍትሃዊነት፣ አምባገነንትን፤ አሳታፍነትን፣ ግልፅኝነትን፣ የሀሳብ ነጻነትን፣ ፍትሀዊ እና ተመጣጣኝ የፖለቲካ ዉክልና…ወዘተ በመዘንጋት እንድሁም የሾመዉን የብልፅግና ፓርቲ መርሆችንና እሴቶችን ባፈነገጠ መልኩ ሴረኝነትን፤ ቅመኝነትንና በቀለኝነት መለያ ባህሪዉ ካደረገ ሰነባብቷል፡፡

ይህንን ነዉራቸዉን ለመሸፈን ብሎ በየቀኑ የሚደረገዉ የመድረክ ድስኩር እና በየማህበራዊ ሚድያ የሚደረገዉ የፎቶ ፖለቲካ ህዝቡን አንገሽግሾታልም ተስፋ ባደረጉት ፓርቲ ላይም ተስፋ አስቆርጧል፡፡

ከምንም በላይ ደግሞ እያንዳንዱን ተግባር በጥልቀት የሚያዉቀዉ ማዕከላዊ መንግስት የደቡብ ኢትዮጵያ ክልል ሁኔታ ከማረም ዝምታ መምረጡ ለብዙዎች ግርምትን ፈጥሯል፡፡

ፀለምት የዋጠዉ የደቡብ ኢትዮጵያ ክልል ካለበት ሁኔታ እንዲላቀቅ ማዕከላዊ መንግስት ትኩረት ሰጥቶ ይቀይር ይሁን? ወይም ጠያቂ የለሌዉ አደረጃጀት ሆኖ ይቀጥላል? የዘዉትር ጥያቄያችን ነዉ፡፡

👉🤝 እውነት፣ ሀቅ፣ ፍትህ፣ ግልፅነት፣ ሰብዓዊነት፣ ቅንነትና ሚዛናዊነት የሚንፀባረቅበት መረጃዎች🙌
👉🤝 ዘውትር በህብረተሰቡ ውስጥ ነን🙏
👉🤝 ስለዘውትር አብሮነታችሁና ድጋፍ እናመሰግናለን🤲
🤜👁👀 #WolaitaTimes ሚዲያ👏

Ethiopia #southethiopia