አሳሳቢው አዲስ አበባ-ቡታጅራ-ሀላባ-ዎላይታ ሶዶ መንገድ ብልሽት እና የተጠቃሚዎቹ ቅሬታ በየቀኑ እየጨመረ መሆኑ ተገልጿል።

በተለምዶ ከአዲስ አበባ _ዎላይታ ሶዶ በመባል የሚታወቀዉ መንገድ በማዕከላዊ ኢትዮጵያ ክልል ሀላባ፣ ስልጤና ጉራጌ ዞኖች ዉስጥ ከፍተኛ በሚባል ደረጃ ተበላሽቷል። ይህ መንገድ የደበብ ኢትዮጵያ እና ማዕከላዊ ኢትዮጵያ ክልል ሕዝቦችን እርስ በርስ እንዲሁም ከአዲስ አበባ ከተማ እና ሌሎችም ጋር የሚያገናኝ ዘርፈብዙ ሀገራዊ ጠቀሜታ ያለው ወሳኝ መንገድ በመሆኑ ችግሩ በጣም አሳሳቢ ሆኗል።
አሽከርካሪዎች እና ባለንብረቶች ለአላስፈላጊ የመለዋወጫ ወጪ የመንገዱ ብልሽት እየዳረገን ነው ብለዋል። አንዳንዶቹ ተጨማሪ 60 ኪ.ሜ በሚያስኬደው የአዋሳ መንገድ መጓዝ መጀመራቸዉንም ገልጸዉልናል። በዛም ምክንያት አሁን ያለዉ ታሪፍ አያዋጣንም ብንልም የሚሰማን አካል አጥተናል ብለዋል።
አንዳንድ ያናገርናቸዉ ተሳፋሪዮች ደግሞ በበኩላቸዉ፣ የመንገዱ ብልሽት ጉዟቸዉን በማስተጓጎልና ምቾት በመንሳት እያማረራቸዉ መሆኑን ገልጸዋል። አሽከርካሪዎችም በአዋሳ መንገድ ለመሄድ ዋጋ እየጨመሩ እንደሚያስቸግሯቸዉ ጠቅሰዋል፤ ወዳሰቡበት በጊዜ መድረስንም አዳጋች ማድረጉንና የትራፊክ አደጋም እንዲከሰት ምክንያት እየሆነ መሆኑን ጠቁመዋል።
አንዳንድ በተበላሸዉ መንገድ አካባቢ የሚኖሩ የንግድ ማህበረሰብ አባላት በበኩላቸዉ መንገዱ መበላሸት ከጀመረ የተወሰኑ አመታት ቢያልፉም አሁን ላይ ግን እጅግ አስከፊ በሚባል ሁኔታ መበላሸቱን ጠቁመዋል።
በዚህም ምክንያት የመኪና ፍሰት እንደቀነሰና ያም የንግድ እንቅስቃሴያቸዉን እንደጎዳ አንስተዋል። የዎላይታ ታይምስ ሚዲያ ያናገራቸዉ አንድ የተሽከርካሪ ባለንብረት በበኩላቸዉ መንገዱ በከባድ ሁኔታ በመበላሸቱ ለመለዋወጫ እቃ አላስፈላጊ ወጪ ዳርጎናል ይህ ለእኛ ብቻ ሳይሆን በሌለ ዶላር በዉጭ ምንዛሪ የሚገዙ እቃዎች ፍላጎት እንዲጨምር ያደረገ ነው ስለዚህ በተዘዋዋሪ መንግስትንና ልማቱንም የሚጎዳ ነዉ ብለዋል።
በመሆኑም የዎላይታ ታይምስ ሚዲያ የሚመለከተዉ አካል ይሄንን የደበብ ኢትዮጵያ እና ማዕከላዊ ኢትዮጵያ ክልል ሕዝቦችን እርስ በርስ እንዲሁም ቀጥታ ወደ ሀገሪቱ መዲና አዲስ አበባ የሚያገናኝ ዘርፈብዙ ጠቀሜታ ያለው መንገድ መሆኑ ታሳቢ በማድረግ ለብልሽቱ እልባት እንዲሰጥ እናሳስባለን።
👉🤝 እውነት፣ ሀቅ፣ ፍትህ፣ ግልፅነት፣ ሰብዓዊነት፣ ቅንነትና ሚዛናዊነት የሚንፀባረቅበት መረጃዎች🙌
👉🤝 ዘውትር በህብረተሰቡ ውስጥ ነን🙏
👉🤝 ስለዘውትር አብሮነታችሁና ድጋፍ እናመሰግናለን🤲
🤜👁👀 #WolaitaTimes ሚዲያ👏