1000026016

ተስፋ የተጣለባቸዉ የደቡብ ኢትዮጵያ ክልል ምክትል ርዕሰ መስተዳድሩ ተጨማሪ ዕዳ በመሆን “ትልቁ ዳቦ ሊጥ ሆነ” እንደሚባል ህዝብን የሚጠሉ ግለሰቦች በአደባባይ እንደፈለጉ መጨዋቻ እንዲያደርጉ መንገድ ከፍተውና አመቻችተው ሰጥተዋል!!

የዎላይታ ብሔር እንደ ማንኛዉም ኢትዮጵያዊ ለመብቱና ለክብሩ እንድሁም ለማህበረዊ፣ ፖለቲካዊና ኢኮኖሚያዊ ተጠቃሚነቱ ዘመናትን የተሻገረ ተጋድሎ እያደረገ የሚገኝና በሥራ ታታርነቱ የሚታወቅ ኩሩ ህዝብ ነዉ፡፡

ከምንም ነገር በላይ የኢኮኖሚ ጥያቄዉ ዛሬም ፋታ የማይሰጥ ነዉ፡፡ ከሁሉም በላይ ረጅም ጊዜ ያስቆጠረ መዋቅራዊና ፓለቲካዊ ጫና በፈጠረው የመሬት ጥበትና የአካባቢዉም ሐብት ሊሸከም ባለመቻሉ ወደ መላዉ አገርቱ ያለማቋረጥ በመፍለስ ላይ ያሉ ታዳጊዎችና ወጣቶች ጉዳይ ጤናማ አስተሳሰብ ላለዉ ዜጋ እረፍት የሚነሳ ጉዳይ ነዉ፡፡

ዎላይታ በተለያዩ ጊዜያት ያጋጠሙትን አዉዳሚ ጦርነቶችንና በዝባዥ መዋቅራዊ ጭቆናዎችን አሸንፎ መዉጣት የቻለ ዛሬ ግን ዘመናዊ አስተሳሰብ አለ ተብሎ በሚገመቱ በዛሬዋ ልጆቿ በፈተና ዉስጥ ይገኛል፡፡

ዞኑ የምግብ ዋስትና ችግር፣ ከ300ሺህ የሚበልጡ ወጣት ልጆቿ በሥራ እጦት የሚሰቃዩባት፣ በሰዉ ሰራሽና በተፈጥሮ አደጋዎች ከመቼዉም ጊዜ በላይ እየተፈተነ ይገኛል፡፡

ይህንን ዉስብስብ ችግሯን ልፈታ የሚችል አመራር ጥያቄዋ ተስፋ ወደሚያስቆርጥ ደረጃ እንደተሸጋገረ ስለመሆኑ ብዙዎች ይስማማሉ፡፡ ችግሯን የሚመጥን እንቅስቃሴ ልያደርግ የሚችል ክልላዊ አደረጃጀት እንድፈጥር በቅንነት የተነሳዉ የክልል እንሁን ጥያቄዋ በሴራ ፖለቲካ ተቀልብሶ በልጆቿ ዉሸት ቅስቀሳ ተታልላ የታቀፈችዉ ደቡብ ኢትዮጵያ ክልል ለሆድ ባደሩ በገዛ ልጆቿ አመቻችነት ዞኑን ከድጡ ወደ ማጡ አሽቆልቆሏል፡፡

ባላቸዉ የአመራር ልምድ ተጠቅመዉ ክልሉንና ዞኑን ያሻግራሉ ተብሎ ተስፋ የተጣለባቸዉ አቶ ገብረ-መስቀል ጫላ ተጨማሪ ዕዳ በመሆን ዞኑ የትርምስ ቀጠና እንድሆንና የዎላይታ ዕድገት ለሚጠሉ ግለሰቦች መጨዋቻ እንዲሆን አድርጓል፡፡

የተጣለባቸዉና የህዝብና የፓርቲ ሀደራ ወደ ጎን በመተዉ ለገዥነት የሚሆን የራሱን ዳይናስቲ በመምስረት ሥራ ላይ ተጠምዷል፡፡ የእሳቸው ትልቁ ግብ የህዝብን ማህበራዊ፤ ኢኮኖሚያዊ እና ፖለቲካዊ ችግሮችን መፍታት ሳይሆን የጡረታ መዉጫ ሀብት ለማካበት የሚያግዝ የተጠና ቤተሰባዊ አደረጃጀት መፍጠር እንደሆነ በጥቂት ጊዜ በአደባባይ እየታየ ይገኛል፡፡

የዎላይታ ታይምስ ሚዲያ በደቡብ ኢትዮጵያ አከባቢ በተላይም የአከባቢው ጉዳይ በጥልቀት እየተከታተለ ለህብረተሰቡ መረጃ እንደሚያደርስ እንደ አንድ ሚዲያ ከላይ የጠቀስናቸው አቶ ገብረመስቀል ጫላ ለወከለዉ ለዎላይታ ህዝብ ተመጣጣኝና የሚገባዉን ጥቅም ለማስጠበቅ እንዳልቆመ በክልሉ በአጭር ጊዜ የተፈፀሙ ተጨባጭ ኢ-ፍትሃዊ ሥራዎች ዝርዝር በትንሹ እንደሚከተለው እናሳያለን።

በመረጃችን መሠረት አቶ ገብረመስቀል ዞናዊ አንድነት እንዳይኖርና አካባቢዉ ተረጋግቶ ልማት እንዳይሰሩ ቀን ማታ ከሚሰሩ አካላት ጋር በማበር እንደ አልፋ ትምህርት ከፓርቲ አሰራር ባፈነገጠ መልኩ በየቀኑ ሹም ሽረት በማካሄድ የራሱን ዳይናሲቲ ማጠናከርን ትኩረት አድርገዋል።

ዎላይታን ለማዳከም፣ ለማሳሰር፣ ለማሸማቀቅና ለማዋከብ በዕዉቀት በፍትህ የምርመራና የፀረ-ሙስና ዘርፍ፤ በፖሊስ ኮሚሽን የወንጀል ምርመራ ዘርፍ፣ የፀረ-ሙስና ኮሚሽን ኮሚሽነር እና ሌሎች ለዚህ ሥራ የሚያግዙ ቁልፍ ቦታዎች በርዕሰ መስተዳድሩ ብሄር በሆኑ ግለሰቦች ተደራጅተዉ ህጋዊ አስመስሎ የሚሰሩትን ሴራዎችን ታግሎ ያለማስቆም ደረጃ ደርሰዋል።

በዎላይታ ማዕከል ለሚገኘዉ ፖሊስ ኮሚሽን ተጠሪ የሆነ ክልሉ ፖሊስ ኮሌጅ በአርባምንጭ ዙርያ ስቋቋም ምን አገባኝ በማለት ዝምታን መምረጥና ፍትህ ጥያቄን የምያነሱ ወገኖችን ማሳደድና ማሰር መደበኛ ተግባር አድርገዋል።

ህዝቡ በቀመር ከሚያገኘዉ በጀት በትንሹ ከ500 ሚሊዮን ብር በላይ ከዞኑ መደበኛ በጀት ድርሻ እንድያጣ ስደረግ ተባባሪ መሆንን መረሰጠዋል

2ቱ የዎላይታ ከተሞች ከአለም ባንክ ድጋፍ በፖለቲካ ዉሳኔ ስዘረዙ፦ ለበርካታ ዓመታት በአለም ባንክ የሚደገፉ አረካ እና ቦዲቲ ከተሞችን በሕገወጥ እና በሴራ ፖለቲካ ውሳኔ ከድጋፍ ማዕቀፉ የሚሰረዙበትን ውሳኔ በማሳለፍ ከተሞችን ከልማትና ከዕድገት ጉዞ ውጭ አድርገዋል።

በክልሉ ከተማና መሰረተ ልማት ቢሮ ሃላፊ አማካይነት ከነባሩ ክልል ጀምሮ በአለም ባንክ ፕሮጀክት በዕዉቀታቸዉ ተወዳድሮ አልፎ እየሰሩ ያሉት ባለሙያዎች ዎላይታ በመሆናቸዉ ብቻ ከሥራ ስባረሩ ዝምታ መርጠዋል።

ከግብርና ኮሌጅ እስከ ሌዊ ያለዉን አስፋልት ሥራ የሚሰሩ ኮንትራክተሮች መንገዱን ዘግቶ ሥራዉን አቁሞ ወደ አ/ምንጭ ስታዲዬም ግንባታ እንድሄዱ ሲደረግ ዝም ብሎ ማየትና ለማስቆም ያለመቻሉም አቶ ገብረመስቀል በህዝብ ጉዳይ ደንታ የሌላቸው መሆኑን አረጋግጠዋል።

በክልሉ በለሎች አካባብዎች ባልተለመደ ሁኔታ በዞኑ ዉስጥ በክልሉ ፖሊስ ኮሚሽነር አማካይነት የሚደረገዉን የበርካታ ዜጎች ህጋዊ ያልሆነ እስርና አፈና ያለማስቆም በፍርድ ቤትም ጭምር በዋስ እንድወጡ የተፈቀደላቸዉ ዜጎች የፍ/ቤት ትዕዛዝ ጭምር ስከለከሉ ያለማረም ዜጎችና በተሰቦቻቸዉ ስሰቃዬ በምን አገባኝ መንፈስ ማየትን መርጠዋል።

በተጨማሪም የክልሉ ርዕሰ መስተዳድር ስልጣኑን ተጠቅሞ በህዝብ ስም የመጣዉን የህዝብ በጀት ያለ ህጋዊ አሰራር 500 ሚሊዮን ብር ለስታድየም ግንባታ እና 200 ሚሊዮን ብር ለአርባምንጭ ዉስጥ ለዉስጥ አስፋልት ጥገና ድጋፍ ስሰጥ ለብሔር ዉግንናም ብቻ ሳይሆን ህግም እንዳይከበር ዝምታ መርጠው የተጣለባቸውን ትልቅ ኃላፊነት ዘንግተዋል።

በዎላይታ በአረካ አካባቢ ለማሰራት የታሰበዉን ዓለም አቀፍ አየር ማረፍያ ግንባታ በተለያዩ ሰበቦች ስጓተት መፍትሄ ከመስጠት ይልቅ ህዝብን ለማታለል ምንም ሥራ በማይሰራበት ፎቶ እየተነሱ ፌስ ቡክን ማጨናነቅ ሥራ አድርጎ አስቀጥለዋል።

አቶ ገብረመስቀል ጫላ በተጨማሪም የዎላይታ ተዎላጆች እንደማንኛዉም ዜጋ በክልሉ ባሉት ቢሮዎችና ሌሎች ቦታዎች በዕዉቀታቸዉ በክህሎታቸዉና በሥራ ልምዳቸዉ ተወዳድሮ እንዳይቀጠሩ እና እንዳይሰሩ በተጠና ሁኔታ መገለል ሲደረግባቸዉ ማረም ሲገባቸው የራሳቸውን ዳይነስቲ በመገንባት ላይ ተጠምደዋል።

በዞኑ ዉስጥ የፖለቲካ አለመረጋጋት እንዲፈጠር በማድረግ መንግስታዊ ሥራዎች በአግባቡ የአመራር ክትትልና ድጋፍ ተደርጎ እንዳይመራ በመደረጉ ጤና ተቋማት ሥራ በማቆማቸዉ ምክንያት በርካታ ዜጎች በወባ ወረርሽኝ ህይዎታቸዉ እያለፈ ይገኛል፤ እንዲሁም በት/ቤቶች ተማሪዎች ትምህርታቸዉን በአግባቡ እየተማሩ አይደለም የሚለውን እውነተኛ የህዝብ ስቃይን በዉሸት ሪፖርት እንዲሸፈን አድርገዋል።

በቅርብ ጊዜ ደግሞ የኢምግረሽንና ዜግነት አገልግሎት በዎላይታ አካባብ ይጀምራል ተብሎ እየተጠበቀ በአቋራጭ ወደ አርባምንጭ ማዕከል እንድሆን ስሰራ ከአጨብጫብነት ዉጪ እንደ ህዝብ ተወካይ የሚገባዉንና ፍትሀዊ አሰራርን ተከትሎ የህዝብ ተጠቃሚነት እንዲረጋገጥ አለመስራትም የእሳቸው መገለጫ ሆነዋል።

ይህም ብቻ ሳይሆን በትልቅ ተስፋ እየተጠበቀ የነበረዉን ኢንዱስትሪ ፓርክ ግንባታ ዕድል በርዕሰ መስተዳድሩ አማካይነት ለአርባምንጭ ለማድረግ የሚሰራዉን ሴራ ለማስቆም ያለመታገልና ለሁሉም ጉዳይ ዝምታን መርጦ ቁጭ ብለዋል።

የዞኑን ገጽታ ልቀይሩ እንዲሁም ለበርካቶች የስራ ዕድል ሊፈጥሩ የሚችሉ ኢንቨስሜንቶች በአድስ መልኩ እንዳይገቡ ስደረግና ነባር ተፈቅዶ እየተሰሩ ያሉ እንድቆም ስደረግ ያለመታገል የአቶ ገብረመስቀል ጫላ ትልቅ ድክመት ስለመሆኑም የዎላይታ ታይምስ ሚዲያ ታዝቧል።

ሌላው በክልሉ ሕዝብ ዎላይታ ተመጣጣኝ የፖለቲካ ውክልና እንዳያገኝና በሴራ የተሸረበ የአቶ ጥላሁን በጎ ስጦታ ብቻ ድርሻ ስደረግ ያለመታገልና ህዝቦች በፍታሃዊ መንገድ የሚገባዉን የፖለቲካ ዉክልና እንዲያገኙ ብሎም የግለሰብ በጎ ስጦታ እንዳይሆን ተገቢዉን የአመራር ሚናን ያለመወጣትና ህዝቡ ተወካይ የሌለ እንዲሆን መንገዱን አመቻችቶና ፈቅደው ሰጥተዋል።

በዞኑ ዉስጥ ያሉ የትኛዉም የህብረተሰብ ክፍል በህዝቡ ላይ እየደረሰ ያለዉን በከፍተኛ አመራር ታቅዶ እየተሰራ የሚከናወነዉን ድርጊት ከተቃወመና ትክክል አይደለም ብሎ አስተያየት ከሰጠ በክልሉ ፖሊስ ኮሚሽነር አማካይነት በሙስና ተጠረጥሮ በቁጥጥር ስር አዉለናል የሚል የዉሸት መግለጫ በማህበራዊ ሚዲያ እየተሰጠ እንዲታሰርና ሌላዉ እንዲደናገጥ በሚል አቅጣጫ አስቀምጦ መምራት እንደጥሩ ስልት እየተጠቀመ ይገኛል።

በአጠቃላይ ምክትል ርዕሰ መስተዳድሩ እና በስልጣን ላይ ስለመኖሩ ማንም የማያስታዉሰዉ የክልሉ ፖለቲካና ሪዕዮተ ዓለም ዘርፍ ሃላፊ የሆኑት አቶ ዮሐንስ በየነ የዎላይታ ህዝብ ጥቅም ለማስከበርና መብቱን ከማስጠበቅ ይልቅ የግል ጥቅማቸዉን በማሳደድ ላይ የተጠመዱ በመሆናቸዉ የርዕሰ መስተዳድሩ ተላላኪ ከመሆን ዉጭ ሌላ አማራጭ እንደሌላቸዉ ብዙዎች ይስማሙበታል።

ይሄ ህዝብ በገዛ ልጆቹ እየተከዳ እስከ መቼ ይቀጥላል? የህዝቡ አንደበት ልሆን የሚችል አመራር መቼ ሊፈጠር ይችላል? የህዝቡን እዉነተኛ ስሜት ሊረዳ የሚችል አመራር መቼ ይኖረናል? የሆነ ሆኖ አሁን ዎላይታ የህልውና አደጋ ተጋርጦብናልና ከመቼዉም ጊዜ በላይ ሰላማዊ ትግል የሚያስፈልግበት ጊዜዉ አሁን ነዉ!!! ፍትህ ለደቡብ ኢትዮጵያ ክልል ህዝቦችና ተወካይ ላጣዉ ለዎላይታ ህዝብ የሚሉ በርካታ ድምፆች በተጨባጭ ከፍ ብሎ ከየአቅጣጫው መሰማትና መፍለቅ ጀምሯል።

👉🤝 እውነት፣ ሀቅ፣ ፍትህ፣ ግልፅነት፣ ሰብዓዊነት፣ ቅንነትና ሚዛናዊነት የሚንፀባረቅበት መረጃዎች🙌
👉🤝 ዘውትር በህብረተሰቡ ውስጥ ነን🙏
👉🤝 ስለዘውትር አብሮነታችሁና ድጋፍ እናመሰግናለን🤲
🤜👁👀 #WolaitaTimes ሚዲያ👏

Ethiopia #southethiopia #Wolaita_sodo

በጋዜጠኛ ናትናኤል ጌቾ የተጠናቀረ ዘገባ ነው