1000031021

የክልሉ መንግስት ከሌላ ክልል ዘልቀው በመግባት የዜጎች ህይወት እንዲጠፋና በርካቶች እንዲቆስሉ ያደረገበት የታጣቂዎች ጥቃት ማውገዝ አለመቻሉ ኃላፊነት የጎደለ ኢሰብአዊነት መሆኑ ተገለፀ።

በተፈጠረው የተደራጀ የግጭት ጠመቃ ዎላይታ በኩል ሶስት የአከባቢው ወጣቶች የተገደሉ ሲሆን በርካቶች ላይ የአካል ጉዳት ደርሶባቸው በሆስፒታል የሚገኙ ቢሆንም እስካሁን የክልሉን ህዝብ ከጥቃት የመከላከል ግዴታ ያለበት የደቡብ ኢትዮጵያ ክልል በጉዳዩ ዙሪያ ዝምታ መምረጡ ተጨማሪ ስጋት እንደፈጠረባቸው የአከባቢው ነዋሪዎች ለዎላይታ ታይምስ ሚዲያ ቅሬታ ገልጿል።

እንደሚታወቀው አቶ በላይነህ ክንዴ እና ዳኜ ዳባ የተባሉ ባለሀብት ግለሰቦች ከፍተኛ የመንግስት አመራር ጋር በመመሳጠር በዎላይታና ሲዳማ አዋሳኝ አከባቢ የሰው ህይወት የጠፋበት ግጭት እንዲከሰት ቀጥታ ድጋፍ ማድረጋቸውን በትናንትናው ዕለት መዘገባችን ይታወሳል።

በአከባቢው ለሚፈጠረው የፀጥታ ችግርና የመሬት ወረራ ዋናው መንግስታዊ ድጋፍ የሚሰጠው የብልጽግና ፓርቲ ሥራ አስፈጻሚ አባል እና የሲዳማ ክልል ብልጽግና ፓ/ጽ/ቤት ኃላፊ አቶ አብርሃም ማርሻሎ እንዲሁም የደቡብ ኢትዮጵያ ክልል ፕረዚዳንት አቶ ጥላሁን ከበደ እጅአዙር ድጋፍ እንደሆነም ምንጮቻችን ጠቅሰን ዘግበን ነበር።

በተጨማሪም የብልጽግና ከፍተኛ አመራሩ የራሱንና የቡድኑን ጥቅም ለማስጠበቅ ከዚህ በፊት የሎካ አባያ ወረዳ አስተዳደሪ በነበረበት ወቅት ታጣቂዎችን ወደ አባያ ብላቴ እያስገባ ቀጠናውን ውጥረት እንዲነግስ እና ለዘመናት ተዋልዶ ተጋምዶ የኖሩ የሲዳማ እና ዎላይታ ሕዝብ ደም እንዲቃቡ ያደረገ እና እያደረገ የሚገኝ ግለሰብ መሆኑም እንዲሁም።

ባለሃብት ዳኜ ዳባ አባያ ብላቴ ከሚያለማው 500 ሄክታር ውስጥ 200 ሄክታሩ በምስጢር የተያዘው በሲዳማ ክልል ክፍተኛ አመራሩ በአቶ አብርሃም ማርሻሎ እና በቤተሰቦቹ ሲሆን በዚህ ምክንያት የመሬት ወረራ አባያ ብላቴ የተፈፀመ ያለው፡፡

አቶ በላይነህ ክንዴ በአባያ ብላቴ ቀበሌ የማገኘውን 550 ሄክታር የእርሻ ኢንቨስትመንት ይዞታ ካርታ እና ውል ከዎላይታ ዞን የወሰደ ቢሆንም ሌላ ተደራቢ ውል ከሲዳማ ክልል ሎክ አባያ ቀበሌ በመውሰድ ላለፉት ሦስት ዓመታት ዓመታዊ የመሬት መጠቀሚያ ኪራይ እና የገቢ ግብር ለሲዳማ ሎክ አባያ ወረዳ እየከፈለ እንደሚገኝ ተገልጿል።

ሰሞኑን የተቀሰቀሰው ግጭት ከመፈጠሩ ከሰዓታት በፊት የታጠቁ ልዩ ኃይሎችን ከሎክ አባያ ወረዳ መሬራ ቀበሌ የአቶ በላይነህ ክንዴ ተሽከርካሪዎች ግጭቱ ወደተከሰተበት ቦታ ስያመላልሱ እንደነበረ በአከባቢው የሚኖሩ ዓይን እማኞች ለዎላይታ ታይምስ ሚዲያ አረጋግጠዋል።

“ጥቃቱ በተፈፀመበት ቀን ጥቃት አድራሽ ወታደሮች በበላይነህ ክንዴ እርሻ ውስጥ ባለው ምግብ ተመግበው፣ የእርሱ መኪኖችን ለዘመቻ ተጠቅሟል፣ የአብራም ማርሻሎ ወንድም በመኪናው ውስጥ ሆነው ኦፕሬሽን ሲመራ ነበር” ሲልም የአይን እማኝ ሁኔታውን አክለው ገልፀው ነበር።

በዚህ ሁሉ መሀል ባለሀብቶቹ አቶ በላይነህ ክንዴ እና ዳኜ ዳባ የተባሉ ግለሰቦች በዎላይታና ሲዳማ አዋሳኝ አከባቢ ግጭቱ እንዲከሰት ቀጥታ ድጋፍ የመሬት ወረራ ዋናው መንግስታዊ ድጋፍ የሚሰጠው የብልጽግና ፓርቲ ሥራ አስፈጻሚ አባል እና የሲዳማ ክልል ብልጽግና ፓ/ጽ/ቤት ኃላፊ አቶ አብርሃም ማርሻሎ ጋር በመሆን በአከባቢው ከፍተኛ ውጥረት እንዲፈጠር እያደረጉ ይገኛሉ።

እስካሁን የክልሉን ህዝብ ከጥቃት የመከላከል ኃላፊነት ከመወጣት በተቃራኒው በእጅአዙር ድጋፍ በመስጠት የተባበረው የደቡብ ኢትዮጵያ ክልል እስካሁን በጉዳዩ ዙሪያ ዝምታ የመረጠ ሲሆን በተፈጠረው በተደራጀ የግጭት ጠመቃ ዎላይታ በኩል ሶስት የአከባቢው ወጣቶች ተገድለዋል፣ በርካቶች ቆስለው ጤና ተቋማት ላይ ህክምና እየተከታተሉ ሲሆን ተጨማሪ የሰው ህይወት ሳይጠፋ የሚመለከተው አካል ተገቢውን እርምጃ እንዲወስዱ ጥሪ ቀርቧል።

በዛሬው ዕለት ከዎላይታ ከሁሉም አከባቢ የተወጣጡ ታዋቂ ግለሰቦች፣ ወጣቶች እንዲሁም ከተለያዩ ህብረተሰብ ክፍሎች የተወጣጡ አካላት ግጭቱ በተከሰተበት አባላ አባያ ተገኝተው አጽናንተው መመለሳቸውን ከስፍራው የደረሰን መረጃ ያመለክታል።

👉🤝 እውነት፣ ሀቅ፣ ፍትህ፣ ግልፅነት፣ ሰብዓዊነት፣ ቅንነትና ሚዛናዊነት የሚንፀባረቅበት መረጃዎች🙌
👉🤝 ዘውትር በህብረተሰቡ ውስጥ ነን🙏
👉🤝 ስለዘውትር አብሮነታችሁና ድጋፍ እናመሰግናለን🤲

🤜👁👀 #WolaitaTimes ሚዲያ👏

#Ethiopia #southethiopia #Wolaita #Sidama