ምክር ቤቱ የብልፅግና ኃላፊውን አፈጉባኤ በማድረግ ምክትል ርዕሰ መስተዳደሩን የመንግስት ዋና ተጠሪ አደረገ።

የደቡብ ኢትዮጵያ ክልል ምክር ቤት 6ኛ ዙር 4ኛ ዓመት የስራ ዘመን 4ኛ መደበኛ ጉባኤ የብልፅግና ፓርቲ ኃላፊ የነበረውን አቶ አለማየሁ ባውዲን የክልሉ ምክር ቤት ዋና አፈ ጉባኤ አድርጎ መድቧል።
በሌላ በኩል በምክትል ርዕሰ መስተዳድር እና የስራ እድል ፈጠራና ኢንተርፕራይዞች ልማት ቢሮ ኃላፊ የነበሩ አቶ ገብረመስቀል ጫላ የደቡብ ኢትዮጵያ ክልላዊ መንግስት የመንግስት ዋና ተጠሪ በመሆን ተሹመዋል።
በተጨማሪም ዶክተር አበባየሁ ታደሰን በምክትል ርዕሰ መስተዳድር እና የስራ እድል ፈጠራና ኢንተርፕራይዞች ልማት ቢሮ ኃላፊ ተደርጎ ተሾመዋል።
ዶ/ር መሪሁን ፍቅሩ በምክትል ርዕሰ መስተዳደር ማዕረግ የክልሉ ግብርና ቢሮ ኃላፊ ሆነው ተሹመዋል።
አቶ ተፈሪ አባተ በምክትል ርዕሰ መስተዳደር ማዕረግ የክልሉ ፋይናንስ ቢሮ ኃላፊ ሆነው ቃለማላ ፈፅሟል።
አቶ ንጋቱ ዳንሳ የክልሉ መንግስት ረዳት ተጠሪ እና የክልሉ የፖለቲካና ሪዮታለም ዘርፍ ኃላፊ፣ ኢንጅነር ፍሬዘር ኦርካይዶ የክልሉ መንግስት ረዳት ተጠሪ እና የክልሉ አደረጃጀት ዘርፍ ኃላፊ ሆነው ተሹመዋል።
ከዚህ በተጨማሪም
1ኛ- አቶ ኃይለማሪያም ተስፋዬ ትራንስፖርትና መንገድ ቢሮ ኃላፊ
2ኛ ወ/ሮ ፀሀይ ወራሳ የክልሉ ትምህርት ቢሮ ኃላፊ
3ኛ አቶ ዳዊት ገበየሁ የክልሉ ፐብሊክ ሰርቪስ ቢሮ ኃላፊ
4ኛ ወይዘሮ አፀደ አይዛ የክልሉ ኢንቨስትመንት ቢሮ ኃላፊ
5ኛ ወ/ሮ ሰናይት ሰለሞን የክልሉ ንግድና ገበያ ልማት ቢሮ ሆነው ተሹመዋል።
በትናንትናው ዕለት የጀመረውና በነገው ዕለት ይጠናቀቃል ተብሎ የሚጠበቀው የደቡብ ኢትዮጵያ ክልል ምክር ቤት 6ኛ ዙር 4ኛ ዓመት የስራ ዘመን 4ኛ መደበኛ ጉባኤ ሹመትን ጨምሮ የተለያዩ አዋጆችን በማፅደቅ ውሳኔ እና አቅጣጫ እያስቀመጠ ይገኛል።
በጉዳዩ ዙሪያ ለዝርዝር ምልከታ እንመለስበታለን!
👉🤝 እውነት፣ ሀቅ፣ ፍትህ፣ ግልፅነት፣ ሰብዓዊነት፣ ቅንነትና ሚዛናዊነት የሚንፀባረቅበት መረጃዎች🙌
👉🤝 ዘውትር በህብረተሰቡ ውስጥ ነን🙏
👉🤝 ስለዘውትር አብሮነታችሁና ድጋፍ እናመሰግናለን🤲🤜👁👀 #WolaitaTimes ሚዲያ👏