1000057988

By Journalist Natnael Gecho

በጋሞ ዞን ዛይሴ ብሄረሰብ ላይ የፀጥታ ኃይሎች በወሰዱት በቀል እርምጃ በርካታ ንፁሃን መገደላቸው ተገልጿል።

ከደቡብ ኢትዮጵያ ክልላዊ መንግስት ከዛይሴ ብሄረሰብ ጋሞ ዞን የሚወጡ አዳዲስ ዘገባዎች እንደሚያመለክቱት ሰሞኑን በጅምላ በተወሰደው በቀል እርምጃ ከ12 በላይ ሰዎች ተገድለዋል፣ ከ10 በላይ ሰዎች ከባድና ቀላል ጉዳት ደርሶባቸዋል።

በተጨማሪም የግለሰቦች ቤት ተቃጥሏል፣ ንብረት ወድሟል እንዲሁም ተዘርፏል፣ እና በርካታ ሰዎች በአርባምንጭ ዙሪያ ፖሊስ ጣቢያ መታሰራቸው ተነግሯል።

የዞኑ መደበኛ ፖሊስ እና ሌሎች የፀጥታ አካላት በጥምረት በአካባቢው ንፁሃን ህዝብ ላይ የመልሶ ማጥቃትና የበቀል እርምጃዎችን እየወሰደ እንደሆነ ተዘግቧል።

ይህ የሆነው መጋቢት 3 ቀን 2017 ዓ.ም. ከአርባምንጭ ወደ ዛይሴ ሲጓዙ የክልሉ ልዩ ኃይል (አድማ ብተና) አንድ ፖሊስ አባል የተገደለበት እና አምስት የፖሊስ አባላት ከባድ ጉዳት የደረሰባቸውን ጥቃት ተከትሎ ነው።

ከስፍራው የደረሰን መረጃ እንደሚያመለክተው፣ አለመረጋጋቱን ለመቆጣጠር ወደ ዛይሴ የገቡት የጸጥታ ኃይሎች ሰፊ የመልሶ ማጥቃት እርምጃዎችን እንደወሰዱ ተነግሯል።

እነዚህ እርምጃዎች በርካታ ሰዎች እንዲሞቱ፣ የአካል ጉዳት እንዲደርስ፣ ቤቶች እና ንብረቶች እንዲወድሙ እንዲሁም ዝርፊያ እንዲፈጸም ምክንያት እንደሆኑ ተጠቁሟል።

ምንጮች እንደሚያመለክቱት እናቶች እና ህፃናትን ጨምሮ ከ12 በላይ ሰዎች ተገድለዋል፣ ከ10 በላይ ሰዎች ከባድና ቀላል ጉዳት ደርሶባቸዋል፣ የግለሰቦች ቤት ተቃጥሏል፣ ንብረት ወድሟል እንዲሁም ተዘርፏል፣ እና በርካታ ሰዎች በአርባምንጭ ዙሪያ ፖሊስ ጣቢያ ታስረዋል።

የአካባቢው ነዋሪዎች የሚመለከታቸው አካላት በእነዚህ ክስተቶች ላይ ምርመራ እንዲያደርጉና ከፍተኛ የሆነ የሰብዓዊ መብት ጥሰት እንዲያስቆም በአስቸኳይ ጥሪ እያቀረቡ ነው።

በተጨማሪም የዛይሴ ብሔረሰብ የራሱን የአስተዳደር መዋቅር ለማግኘት ባቀረበው ህጋዊ ጥያቄ ሽፋን የጋሞ አመራሮች እየፈጸሙት ነው ያሉትን በደል እንዲቆም ተማፅነዋል።

መጋቢት 3 ቀን 2017 ዓ.ም. በተፈጠረው የመጀመሪያ ክስተት ወቅት የዞኑ ፖሊስና የክልሉ ሌሎች ፀጥታ ኃይል አለመረጋጋቱን ለመቆጣጠር ወደ አካባቢው ገብተው ነበር።

በወቅቱ ስሙ እንዳይጠቀስ የፈለገ አንድ የአካባቢው ነዋሪ ለWT ሚዲያ እንደገለፀው፣ የችግሩ መነሻ በአካባቢው የቆየው የዛይሴ ብሔረሰብ የመዋቅር ጥያቄ ጋር የተያያዘ ነው።

ነዋሪው አክሎም መንግስት በተደጋጋሚ የሚከሰቱ ግጭቶችን በዘላቂነት ሊያስቆምና ተጠያቂነት ሊያስፋፋ እንደሚገባ በመግለጽ፣ ሰላማዊ ዜጎች ጉዳት እንዳይደርስባቸው ጥሪ አቅርቧል።

እስካሁን ድረስ፣ የክልሉ መንግስትም ሆነ የፌዴራል መንግስት በእነዚህ የቅርብ ጊዜ ክስተቶች ወይም በዛይሴ ስላለው አጠቃላይ ሁኔታ ምንም አይነት ይፋዊ መግለጫ አልሰጡም።

ከታች በፎቶ የሚታዩት የጋሞ ዞን መደበኛ ፖሊሶች ሲሆኑ በዘይሴ ብሄረሰብ አካባቢ ለበቀል እርምጃ ዘመቻ በሄዱበት ወቅት ከባባድ የጦር መሳሪያ ታጥቀው ይታያሉ።

በፎቶ የሚታዩት የጋሞ ዞን መደበኛ ፖሊሶች ሲሆኑ በዘይሴ ብሄረሰብ አካባቢ ለበቀል እርምጃ ዘመቻ በሄዱበት ወቅት ከባባድ የጦር መሳሪያ ታጥቀው ይታያሉ
በፎቶ የሚታዩት የጋሞ ዞን መደበኛ ፖሊሶች ሲሆኑ በዘይሴ ብሄረሰብ አካባቢ ለበቀል እርምጃ ዘመቻ በሄዱበት ወቅት ከባባድ የጦር መሳሪያ ታጥቀው ይታያሉ