1000061519

በደቡብ ኢትዮጵያ ክልል ፖለቲካ ውስጥ አነጋጋሪ ጉዳይ ሆኖ ብቅ ያለው የዶ/ር ቦጋለ ቦሼን የኢንዱስትሪ ቢሮ ኃላፊነት የተመለከተ የማህበራዊ ሚዲያ ዘመቻ በርካታ ግምቶችንና ጥያቄዎችን እያጫረ ነው።

ይህ ዘመቻ ከጀርባው የሙስና፣ የኮንትሮባንድ ንግድ እና የፖለቲካ ፍላጎቶች እንዳሉ ይታመናል ሲል ከጥልቅ ማጣራት የተገኘ መረጃ ያመለክታል።

ዶ/ር ቦጋለ ቦሼ በትምህርት ዝግጅቱ እና በአመራር ልምዱ የተመሰከረለት ግለሰብ ሲሆን ትውልድና እድገቱ በዎላይታ ዞን ኪንዶ ኮይሻ ወረዳ ኦይዱ ጫማ ቀበሌ ሲሆን የመጀመሪያ ደረጃ ትምህርቱንም እዚያው አጠናቋል።

ስራ የጀመረውም በተወለደበት ኪንዶ ኮይሻ ወረዳ ሲሆን እስከ ምክትል አስተዳዳሪነት ደርሷል።

በላቀ አፈጻጸም የዞን አመራር ከመሆኑ በተጨማሪ በቀድሞው ደቡብ ብሔሮችና ብሔረሰቦች ክልል የደኢህዴን ጽሕፈት ቤት ምክትል ኃላፊነት አገልግሏል።

ማስተርስ ድግሪውን በቢዝነስ አስተዳደር ከሰራ በኋላ ወደ ክልሉ ተመልሶ በማገልገል ላይ እያለ በቀድሞው ደኢህዴን ስብስብ ተገፍቶ ከ10 ዓመታት በላይ የከፍተኛ ትምህርት ቤት አመራር ሆኖ ቆይቷል።

በዚህ ወቅትም ሁለት የዶክትሬት (PhD) ድግሪዎችን አግኝቷል። የአሁኑ የዶ/ር አብይ መንግስት አቅሙን በመገምገም ወደ ክልሉ አመራርነት እንዲመጣ ጥሪ አቅርቦለት በአሁኑ ሰዓት የክልሉ ኢንዱስትሪ ቢሮ ኃላፊ ሆኖ በመስራት ላይ ይገኛል።

ዘመቻውን የከፈቱት እነማን ናቸው?
ዶ/ር ቦጋለ ላይ ዘመቻ የከፈቱ ግለሰቦች እነማን እንደሆኑ ለማጣራት በተደረገው ጥረት፣ የሚከተሉት አካላት በዋናነት ተለይተዋል፦

በክልሉ በተንሰራፋው የሙስናና ብልሹ አሰራር ከፍተኛ ድርሻ ያላቸው አካላት: እነዚህ አካላት ዶ/ር ቦጋለ የሙስና ሰንሰለታቸውን ሊበጥስ ይችላል ብለው ስለሚሰጉ ዘመቻውን ጀምረዋል።

በክልሉ የተንሰራፋውን የኮንትሮባንድ ንግድ ሰንሰለት ውስጥ ያሉ: የኮንትሮባንድ ነጋዴዎች የዶ/ር ቦጋለን ጥብቅ ቁጥጥር በመፍራት ዘመቻው ውስጥ እጃቸው አለበት ተብሏል።

ያለበቂ ትምህርት ዝግጅት በስልጣን ኮርቻ ላይ የወጡ አቅመ ቢስ ካድሬዎች: ዶ/ር ቦጋለ ለእነሱ ስጋት እንደሆነ ያዩታል፣ ምክንያቱም በብቃት ላይ የተመሰረተ አመራርን ስለሚያምን።


የማህበራዊ ሚዲያ ዘመቻው በአሁኑ ወቅት የተጀመረባቸው በርካታ ምክንያቶች እንዳሉ ታውቋል።

በደቡብ ኢትዮጵያ በከፍተኛ ሌብነት የተጠረጠሩት ላይ የሚወሰደው ፖለቲካዊ፣ አስተዳደራዊ እና ህጋዊ እርምጃ ዝግጅት ተጠናቆ በቀናት ጊዜ ወደ ተግባር የሚገባ በመሆኑ፣ ይህን ትኩረት ለማስቀየር ዘመቻው ተጀምሯል።

ዶ/ር ቦጋለ ከሙስና የጸዳ፣ በመልካም ስነ ምግባር የታነጸ፣ እና በፌዴራል መንግስት ደረጃም ቢሆን እንደ ሀገር የሚጠቅም ትልቅ አቅም ያለው አመራር ተደርጎ ተገምግሟል።

በቀጣይ በክልሉ በቅርቡ ከሚሾሙት ከፍተኛ አመራሮች መካከል ቀዳሚው እሱ ይሆናል ተብሎ ስለሚጠበቅ፣ ይህን ለመግታት ዘመቻው ተከፍቷል።

የዎላይታ ጠል አመራሮች በክልል ደረጃ ጠንካራ አመራር እንዳይወጣ በማድረግ እንደፈለጉ ለመርገጥ ላሰቡት ዕቅድ፣ በቀላሉ እሺ የማይለውና ጠንካራ የፖለቲካ አቅም ያለው ዶ/ር ቦጋለ ስጋት ሆኖባቸዋል።

ዶ/ር ቦጋለ ፋና ባዘጋጀው ዶክመንተሪ ላይ በሰጡት ቃለ ምልልስ፣ በሙስናና ስነ ምግባር ችግር ያለባቸው በቀጣይ ምርመራ ተደርጎ ሊጠየቁ ይችላሉ የሚል አስተያየት መስጠታቸው በሌቦች ዘንድ ከፍተኛ ድንጋጤ ፈጥሯል።

ዶ/ር ቦጋለ አምላኩን የሚፈራ፣ ከልቡ አማኝና የጸሎት ሰው፣ ትዳሩን አክባሪና ሚስቱንና ልጆቹን አፍቃሪ እንደሆነ ይታወቃል።

በብቃቱ በክልሉ የሚወዳደረው ቀርቶ የሚጠጋው እንደሌለ፣ ከመንግሥት እና ፓርቲ ለሚሰጠው ኃላፊነት ታማኝና ብቁ፣ በሕዝብ ፍቅር የሚታወቅ እና ወቅቱ የሚፈልገውና የሚያሻግር አመራር መሆኑን ሁሉም ያነጋገርናቸው ሰዎች በአንድ ድምፅ ይስማማሉ።

የዶ/ር ቦጋለ ባለቤት የልጅነት ፍቅረኛውና እስካሁንም በደጉም በክፉው አብራው የቆየች ስትሆን፣ የመጀመሪያ ልጃቸው በአሁኑ ሰዓት የዩኒቨርሲቲ ተማሪ መሆኑም ታውቋል።

በመሆኑም ዶ/ር ቦጋለ ቦሼ፣ በደቡብ ኢትዮጵያ ክልል የኢንዱስትሪ ቢሮ ኃላፊ፣ በሙስና እና በኮንትሮባንድ ንግድ የተጠረጠሩ አካላት እና በስልጣን ላይ ያሉ ብቃት የሌላቸው ካድሬዎች ኢላማ የሆነ የማህበራዊ ሚዲያ ዘመቻ እየተደረገባቸው ነው።

ይህ ዘመቻ የጀመረው በቅርብ ጊዜ በሙስና ተጠርጣሪዎች ላይ በሚወሰደው እርምጃ ትኩረትን ለመበተን፣ ዶ/ር ቦጋለ ከፍተኛ የፖለቲካ ሥልጣን ላይ እንዳይደርሱ ለመግታት፣ የዎላይታ ጠል አመራሮች ተፅዕኖ ለማሳደር እንዲሁም ዶ/ር ቦጋለ በሙስና የተዘፈቁ አካላት ሊጠየቁ እንደሚችሉ የሰጡት አስተያየት ያስፈራቸው አካላት ምላሽ ለመስጠት ነው።

ዶ/ር ቦጋለ በትምህርት ዝግጅታቸው፣ በአመራር ልምዳቸው እና በቅንነታቸው የሚታወቁ ሲሆን፣ ከመንግስት እና ከህዝብ እውቅናን አግኝተዋል።

ይህ ዘመቻ እኚህን ብቁ አመራር ለማዳከም ያለመ ቢሆንም፣ የህዝብ ድጋፍ እና በብቃታቸው የሚመሰከርላቸው መሆኑ ግን ጎልቶ ታይቷል።