“ኢትዮጵያዊ ወንድማማችነት ከመሬትም ከሥልጣንም በላይ ነው፣
ሰሞኑን ከሚዲያና ከሚዲያ ውጭ አጠቃላይ ሀገራዊ ሁኔታንና በሰሜኑ የሀገራችን ክፍል እንዲሁም በሌሎች አከባቢዮችም እየሆኑ ያሉ ጉዳዮችን በጥልቀት በተስፋና በስጋት ካየሁ በኃላ ከሌላ ጊዜ በተለየ ሁኔታ የኢትዮጵያን እንታደጋት መፍትሔ ሀሳብ ለማቅረብ ወደድኩ” ይላሉ አንድ ስሙ ለጊዜው እንዲጠቀስ ያልፈለጉ በዎላይታ አከባቢ ታዋቂ ምሁርና ፓለቲከኛ ከዎላይታ ታይምስ ሚዲያ ጋር በወቅታዊ ጉዳይ ባደረጉት ቆይታ።
የዓለምአቀፉ ማህበረሰብ ልክ ሶሪያና የመን ላይ እንዳደረጉት በተመሳሳይ Pattern የምስራቁ ካምፕ የፌዴራሉን መንግስት የምዕራቡ ካምፕ አማጽያንን በመደገፍ ሀገርቱን የማፍረስ የቆየ ህልማቸውን ለማሳካት በሀገር ውስጥ የሚገኙ ፅንፈኛ ኃይል በመጠቀም ሽር ጉድ ማለታቸውና ይበል የኢትዮጵያን እንታደጋት የመፍትሔ ሀሳብ ለማቅረብ እንዳነሳሳቸው ምሁሩ ፓለቲካኛ አስረድተዋል።
በሀገር ደረጃ እነዘህ ሁሉ ችግሮች መካከል 6ኛው ሀገራዊ ምርጫ በሠላም እንዲጠናቀቅ የተሰራው እንቅስቃሴ፣ የህዳሴ ግድብ ደርድር ወደ አፍሪካ ህብረት እንዲመለስ የተደረገው ሁሉ ዐቀፍ ርብርብ እና በትግራይ ላይ ተኩስ አቁም ስምምነት ላይ ለመድረስ የፌድራል መንግስት የወሰደው አቋም በበጎ ጎኖ ሊነሳ ይችላል ብለዋል።
በመሆኑም የሀገራችን መፀኢ ዕድል ብሩህ እንድሆን ከተፈለገ በትግራይና በአማራ ክልል መካከል ያለው የመሬት(ርስት) ጥያቄ በህጋዊና በሠላማዊ መንገድ ብቻ እንዲፈታ የፌድራሉ መንግስ initiative ወስዶ የዕርቀ ሠላም መድረኮችን በማዘጋጀት እንዲሁም በትግራይ የታወጀው የተናጠል ተኩስ አቁም ሁሉም ተፋላሚ ሀይሎች በማሳተፍ አስፈላጊነቱን መንግስት ካመነበት ዓለምአቀፍ ተቋማት እንዲታዘቡ በማድረግ ቅቡልነት እንዲኖረው ማድረግ ጠቃሚ እርምጃ እንደሆነ አስረድተዋል።
ግጭቱ የተፈጠረባቸው አከባቢዎች ጉዳዪ የመጨረሻ ዕልባት እስኪያገኝ ድረስ በማዕከላዊ መንግስት እንዲተዳደሩ ማድረግ እና Buffer zone በመፍጠር እንዲሁም በብዙ ሺህ የሚቆጠሩ ከቀያቸው የተፈናቀሉ ዜጎችን መልሶ በማደራጀት ህይወታቸውን በአዲስ መልክ እንዲጀምሩ አስፈላጊ እርምጃዎችን መውሰድ አስፈላጊ መሆኑንም ተናግረዋል።
ሁሉንም ጉዳዮች በአንድ ጊዜ መፍታት አዳጋች ስለሚሆን በተናጠል ጉዳዮች ውይይት በመፍጠር በሂደት ወደ ብሄራዊ ዕርቅ በመሸጋገር የዎላይታን ጨምሮ በተለያዪ አከባቢዎች የሚነሱ ራስን በራስ የማስተዳደርና የማንነት ጥያቄዎችን ፈጥኖ ምላሽ መስጠት
የኢኮኖሚ ሪፎርም በማምጣት የኑሮ ውድነት፣ ሥራ አጥነትና የውጭ ምንዛሬ ዕጥረት ዕልባት በመስጠት በሁሉም አከባቢ ያሉ ህዝቦች ወደ ተስፈ መቁረጥ እንዳይሄዱ በማድረግ ለዚህም እንዲያግዝ የክረምት እርሻ ሥራ በልዪ ትኩረት መምራት፣ የአምራች ኢንዱሰትሪውን ዘርፍ ማጠናከር ፣ የውጭ ምንዛሬ እጥረት ለመቅረፍ Privatization ማጠናከር ወሳኝ መሆኑንም ምሁሩ ጠቁመዋል።
የውጭ ግንኙነት በተመለከተ አፍሪካ ወንድማማችነት ማጠናከር፣ ከምዕራባውያን ጋር ያለውን ግንኘነት ዳግም መመልከት Compromise ሊደረጉ የሚችሉ ጉዳዮችን compromise ማድረግ ትኩረት ሊሰጠው የሚገባ ጉዳይ መሆኑን አብራርተዋል።
ማዕከላዊ መንግስት ደካማ እንዳይሆን የመንግስት ምስረታውን ከተቀመጠው ጊዜ ቀድሞ ማድረግ( አሸናፊ ፓርቲ ስለታወቀ)፣ ከመከላከያ እስከ ደህንነት ያሉ ተቋማትን አቅም ግንባታ ቅድሚያ ሰጥቶ በመስራት በሁሉም ጉዱዮች መርህ ላይ የተመሰረተና የምልዓተ ህዝቡን ተሳትፎ ማረጋገጥ እንዳለበት አሳስበዋል።
በመጨረሻም ሁሉንም የሀገሪቱን ጦር ልዩ ሀይሉን ጨምሮ የተናጠል እንቅስቃሴ እንዳያደርጉ በአንድ የዕዝ ሰንሰለት ውስጥ በማምጣት ወጥ የሆነ chain of command ሥር ማምጣት ፍቃጀኛ ያልሆነ አካል De-militarize ማድረግ፣ ህገወጥ የጦር መሣሪያ ቁጥጥር ማጠናከርና Disarm ማድረግ ለኢትዮጵያችን ህልውና ለማስጠበቅ ወሳኝ ምዕራፎች መሆኑን አንድ ስሙ ለጊዜው እንዲጠቀስ ያልፈለጉ በዎላይታ አከባቢ ታዋቂ ምሁርና ፓለቲከኛ ከዎላይታ ታይምስ ሚዲያ ጋር ባደረጉት ወቅታዊ ጉዳይ ቆይታ አብራርተዋል።
