በጋሞ ዞን በአርባምንጭ ከተማ የመጀመሪያው የሀገር ባህል አልባሳቶችን ለሥራ ዕድል ፈጠራ፣ የውስጥ ምንዛሬን ማግኛ፣ ለቱሪዝም ገቢ ምንጭነት፣ለቴክኖሎጂ እና ዕውቅና ሽግግርነት በሚል መሪ ቃል የሸማ ፓርክ የምረቃ እና ምክክር መድረክ ተካሂዷል።
በምረቃውና ምክክር መድረክ ላይ የመንግሥት የሥራ ኃላፊዎችና ጥሪ የተደረገላቸው እንግዶች ተገኝተዋል።
የሸማ ፓርክ ባለቤትና ሥራ አስኪያጅ አቶ አለማየሁ ካሣ ፓርኩ የጋሞ አባቶች የሰላም ተምሳሌት ከመሆኑ ባሻገር ለበርካታ ሰዎች የሥራ ዕድል የፈጠረ ነው ሲሉ ተናግረዋል ።
በፕሮግራሙ ላይ የመክፈቻ ንግግር ያደረጉት የጋሞ ዞን ምክትል አስተዳደር አቶ ብርሀኑ ዘውዴ ሸማ በአካባቢያችን ከሚታወቅባቸው ፀጋዎች አንዱ ጥበብ ነው ካሉ በኋላ የሳታ ቴክኖሎጂ ኮሌጅ በሚያሳካ መልክ ይህንን የከፍተኛ ትምህርት ሚኒስቴርን ዕቅድ በሚያግዝ ሁነታ ይህንን የሸማ ፓርክ አቋቁመው በዘመነ መልኩ እንቅስቃሴ በመጀመሩ አድናቆታችን ለየት ያለ ነው ብልዋል።
በአጭር ጊዜ ውስጥ ሳታ ቴክኖሎጂ ኮሌጅ በተግባር ያሳየውን ሥራ አርባምንጭ ዩኒቨርስቲ ልምድ ወሰደው የህዝቡን ህይወት መቀየር የሚቻልበት ሥራ መሥራት እንዳለበት አቶ ብርሀኑ አሳስበው በቀጠይ የሚሰሩ መሰል ሥራዎችን በማመቻቸት አስፈላጊውን ድጋፍ እናደርጋለን ሲሉ ተናግረዋል።
የጋሞ ዞን እንተርፕራይዝና ኢንዱስትሪ ልማት መምሪያ ኃላፊ አቶ አለነ አበጀ በበኩላቸው የሸማ ፓርክ የሳታ ቴክኖሎጂ ኮሌጅ እህት ድርጅት ብቻ ሳይሆን የባህል አልባሳትን በአለም ገበያ ላይ የማስተዋውቅ ሥራ እንደሚሰራ ተናግረው የመሥሪያ ቦታዎችን በማመቻቸትና የማስተዋወቅ ሥራ በመሥራት ጭምር ሀላፊነታችን እንወጣለን ሲሉ ገልጸዋል።
በድርጅቱ የተመረቱ የባህል አልባሳት ለዕይታ ቀርበዋል።
የማምረቻና መሸጫ ቦታ ተመርቆ ለጎብኚዎች ክፍት ሆነው በመጨረሻ ኢትዮጵያን እናልብሳት አረንጓዴ አሻራ የችግኝ ተከላ ተካሂዷል ሲል የከተማው ኮሙኒኬሽን የላከልን መረጃ ያመለክታል።
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡-
https://www.facebook.com/wolaitatime/
ቴሌግራም፦
https://telegram.me/Kiikiya
ዩቲዩብ፦
https://m.youtube.com/channel/UCQy9hoOijiE8FStts2SmtXw?noapp=1
በመጠቀም መረጃዎችን ማግኘት ይቻላል።
Wolaita Times, 10/11/13 E.C , Sodo, Ethiopia🇪🇹
