GridArt_20251110_195001354

የዎላይታ አውሮፕላን ማረፊያ ግንባታው የፖለቲካ ‘ድራማ’ ሆኗል! – ክልሉ 130 ሚሊዮን ብር የካሳ ክፍያ በመከልከሉ ፕሮጀክቱ ሲስተጓጎል፣ የሕየየአውሮፕላንለማስታገስ ማሽነሪዎች በክራይ መጥቶ እንቅስቃሴ ማድረጋቸው ተነግሯል።

በደቡብ ኢትዮጵያ ክልል፣ በዎላይታ ሱማሞ ሜዳ ሊገነባ ታቅዶ የነበረው የአውሮፕላን ማረፊያ ግንባታ የፖለቲካ ሴራ ሰለባ ሆኖ መቅረቡን WT Media በተከታታይ የሚያገኘው መረጃ ያመለክታል።

ክልሉ መክፈል ባለበት አነስተኛ የካሳ ክፍያ መዘግየት ምክንያት ፕሮጀክቱ ለዓመታት ሲስተጓጎል፣ የሕዝብ ጥያቄ ሲበረታ ደግሞ በቀን ክራይ የተወሰዱ ማሽነሪዎች ወደ ቦታው በመላክ “ግንባታ እየተከናወነ ነው” የሚል የሐሰት ምስል ለማሳየት መሞከሩ ተጋልጧል።

1. የዝግመቱ ዋነኛ ምክንያት: 130 ሚሊዮን ብር የካሳ ክፍያ

የኢትዮጵያ አየር መንገድ ደብዳቤ:

ከአንድ ዓመት በፊት የኢትዮጵያ አየር መንገድ ግሩፕ ዋና ሥራ አስፈጻሚ አቶ መስፍን ጣሶ ለክልሉ በጻፉት ደብዳቤ፣ ተቋሙ በይዞታ ክልል ውስጥ ለሚገኙ ንብረቶች አስፈላጊውን የካሳ ክፍያ በመፈጸም እና ለሚነሱ አርሶ አደሮች ተለዋጭ ቦታ በመስጠት ቦታው በአስቸኳይ ከይዞታ ነፃ እንዲሆን አሳስበው ነበር።

የክልሉ ችላ ባይነት:

ተቋራጮቹ ፕሮጀክቱን በአንድ ዓመት ውስጥ አጠናቅቀው ለማስረከብ ቃል ቢገቡም፣ ክልሉ እንዲሸፍነው የተጠየቀው 130 ሚሊዮን ብር ብቻ የሆነው የካሳ ክፍያ በጊዜው መክፈል ባለመፈለጉ እና ትኩረት በመንፈጉ ግንባታው እንዲስተጓጎል አድርጓል።

የፖለቲካ ሴራ:

ጉዳዩን በቅርበት የሚከታተሉ ምሁራን፣ የዎላይታ ሶዶ ከተማ ከ1950ዎቹ እስከ 1970ዎቹ የአውሮፕላን ማረፊያ እንደነበራትና ቦታው በ1999 ዓ.ም. ለዩኒቨርሲቲ ግንባታ መወሰዱን ያስታውሳሉ።

አሁን ደግሞ አዲስ ግንባታ በ130 ሚሊዮን ብር ካሳ መስተጓጎሉ፣ ከተማዋ በርካታ ልማት እንድታጣ መደረጉ “ግልጽ የፖለቲካ ሴራ አካል” እንደሆነ ገልጸዋል።

2. የአርሶ አደሮች ስቃይ እና የጥቃት ማስጠንቀቂያ

ዝቅተኛ የካሳ ግምት:

የክልሉ ኮሚቴ በግንባታ ቦታው ያሉ አርሶ አደሮችን ለማስነሳት የተገመተው የካሳ መጠን ከ40 ሺህ እስከ 140 ሺህ ብር በሚገመትበት ሁኔታ ላይ እንዲሆን ተደርጓል።

ይህ በየትኛውም ቦታ ታይቶ የማያውቅ የአርሶ አደሩን ሕይወት አደጋ ላይ የሚጥል ግምት መሆኑ ተነግሯል።

ግድያና ማስፈራራት:

በዚሁ ዝቅተኛ የካሳ መጠን ቅሬታ በሚያቀርቡ የአካባቢው ነዋሪዎች ላይ የግድያ፣ የእስርና የማስፈራራት ጥቃት እየደረሰባቸው መሆኑን ስማቸው እንዳይጠቀስ የፈለጉ አርሶ አደር ለ WT Media አረጋግጠዋል። በዚህም የፌዴራል መንግሥት ጣልቃ እንዲገባ ጥያቄ ቀርቧል።

3. “የሕዝብ ጩኸት ማስታገሻ” ክራይ ማሽነሪዎች

የሐሰት ምስል:

የሕዝብ ጥያቄ እየበረታ ሲመጣ የዎላይታ ዞን አስተዳደር ግንባታ እየተከናወነ እንደሆነ የሚያሳይ ምስል ለቋል።

እውነታው:

WT Media ከተለያዩ ምንጮች ባገኘው መረጃ መሠረት፣ በቦታው እንቅስቃሴ ሲያደርጉ የነበሩት ማሽነሪዎች የሕዝብን ጩኸት ለማስታገስ ከግለሰቦች በቀን ክራይ የተወሰዱ መሆናቸውን አረጋግጧል።

ይህ ድርጊት የባለሥልጣናት ጉብኝትና የፎቶ ማንሳት ልምምድ የሕዝብን ጥያቄ በጊዜያዊ ማዘናጊያ የመሸፈን ስልት መሆኑን ያጋልጣል።

4. ሌሎች የተቋረጡ የልማት ፕሮጀክቶች

በተመሳሳይ መልኩ፣ የክልሉ አመራር የዎላይታን ልማት የማስተጓጎል ተግባር በሌሎች ፕሮጀክቶችም ቀጥሏል፦

የአስፓልት መንገድ ግንባታ: ከዎላይታ ሶዶ ከተማ ከሌዊ እስከ ግብርና ኮሌጅ ያለው የአስፓልት መንገድ ስራ በቆፈሩበት ቆሞ ምንም እንቅስቃሴ የለውም።

የዞን መንግሥት የመንገድ ፕሮጀክቶች:

የዎላይታ ዞን መንግሥት ከቻይና ሁና ሆንዳ ተቋራጭ ጋር ተነጋግሮ አጠቃላይ 10 ኪሎ ሜትር (ከቀይ መስቀል በዩኒቨርሲቲ አድርጎ ዴሪ መንደር የሚያገናኝ 5 ኪሜ፣ እና ቁስቁም ማርያም እስከ ዩኒቨርሲቲ ጀርባ ድረስ 5 ኪሜ) የአስፓልት መንገድ ግንባታ ሊያስጀምር ቢዘጋጅም፣ በክልሉ መንግሥት እንዲቆም መደረጉን የፕሮጀክት ኮሚቴ አባላት አረጋግጠዋል።

የምሁሩ ድምዳሜ:

አንድ የፖለቲካ ጉዳዮችን በቅርበት የሚከታተል ምሁር እንደተናገሩት፣ “ደቡብ ኢትዮጵያ የተባለ ክልል በልዩነት የዎላይታ ሕዝብን ጥቅም እና ዕድገት ወደኋላ ለመጎተት የተመሠረተ እየመሰለኝ ነው።” ለዚህም ማሳያ አረካ እና ቦዲቲ ከአለም ባንክ ፕሮጀክት እንዲሰረዙ መደረጉ የሕዝብ ጥቅም የማሳጣት ፕሮጀክት እየተካሄደ መሆኑን ያመለክታል ብለዋል።

ማሳሰቢያ፦ WT MEDIA በሀገሪቱ በተለይም ደቡብ ኢትዮጵያ አከባቢ በመንግሥት ሚዲያዎች ትኩረት በማያገኙ ለተጮቆኑ ህብረተሰብ ክፍሎች ጉዳይ የቅድሚያ ቅድሚያ ሰጥተው እውነትንና ሀቅን መሠረት አድርገው የሚሰራ ስለሆነ የመረጃ ሰጪ ግለሰቦች ምስጥርና ደህንነት በተጠበቀ ሁኔታ የደረሱን መረጃዎችን መልሰን አጣርተን ለህዝብና የሚመለከታቸው አካላት ትኩረት እንዲሰጡበት በታማኝነት ይፋ እናደርጋለን።

ለማህበረሰቡ ከፍተኛ ፋይዳ ባላቸው ህዝብ ጉዳዮች ላይ ሀሳባችሁን ለማካፈል ለሚፈልጉ ሁሉ ዘውትር በህብረተሰቡ ውስጥ ሆነን እውነት፣ ሀቅ፣ ፍትህ፣ ግልፅነት፣ ሰብዓዊነት፣ ቅንነትና ሚዛናዊነት የሚፀባረቅበት በሌሎች ትላልቅ ሚዲያዎች የማይሰሙ የጭቁኖች ድምፅ ዘውትር እዚሁ ይሰማልና ስለ ዘውትር አብሮነታችሁ ምስጋናችን የላቀ ነው!! እኛ ዘውትር የእናንተው የጭቁኖች አገልጋይ ነን !!
Voice of Marginalized Community – WT Media