በዚህም የዎላይታ ሶዶ ዩኒቨርሲቲ በወጣቶች ሥራ ዕድል ፈጠራ ዘርፍ ላበረከተው ከፍተኛ አስተዋጽኦ ከወላይታ ዞን አስተዳደር የዕውቅና ሽልማት ተበረከተለት፡፡
የዎላይታ ዞን ኢንተርፕራይዞችና ኢንዱስትሪ ልማት መምሪያ የ2013 ዓ.ም ዓመታዊ ማጠቃለያ ጉባኤና የ2014 ዓ.ም መነሻ ዕቅድ ንቅንቄ በትላንትናው ዕለት ባካሄደው ጉባኤ ለሞዴል ኢንዱስትሪዎች እና በዘርፉ ከፍተኛ አስተዋጽኦ ላደረጉ ተቋማት የዕውቅና ሽልማት አበርክቷል፡፡
እውቅና ከተበረከተላቸው ተቋማት መካከከል የዎላይታ ሶዶ ዩኒቨርሲቲ አንዱ ሲሆን፤ ዩኒቨርሲቲው በ2013 በጀት ዓመት በዎላይታ ዞን ውስጥ ለሚገኙና በከተማ እና ገጠር ሥራ ዘርፍ ለተደራጁ ኢንተርፕራይዞች የሥራ ዕድል በማመቻቸትና የገበያ ድጋፍ በማድረግ ላበረከተው ድጋፍ የክሪስታል ዋንጫ፣ የሜዳልያ እና የሰርትፍኬት ዕቅና ሽልማት ተበርክቶለታል፡፡
የዩኒቨርሲቲው ፕሬዝዳንት ፕ/ር ታከለ ታደሰ ዩኒቨርሲቲው ባለፉት ሶስት ዓመታት በዎላይታ ዞን በከተማና ገጠር ሥራ ዘርፍ ለተደራጁ ኢንተርፕራይዞች የሥራ ዕድል በማመቻቸት እና የገበያ ትስስር በመፍጠር ዘርፈ ብዙ ሥራ መሰራቱን አሳውቀዋል፡፡
ፕሬዝዳንቱ አክለውም፤ በዩኒቨርሲቲው በተከናወኑና እየተከናወኑ ባሉ የአረንጓዴ ልማት፣ የጥልቅ ቆሻሻ አወጋገድና አያያዝ ፣ በኮንስትራክሽን(ግንባታ)፣ በሆቴል አገልግሎት፣ በእንስሳት እርባታ እና በወተት ልማት የስራ ዘርፍ በጥቃቅንና አነስተኛ የተደራጁ ወጣቶችን ተጠቃሚ ማድረግ መቻሉን ጠቁመዋል፡፡
ባለፉት ሁለት ዓመታት ብቻ ከ 2 ሺህ የሚበልጡ በጥቃቅንና አነስተኛ የስራ መስኮች የተደራጁ ወጣቶች በዩኒቨርሲቲው የሥራ ዕድል ማግኘታቸውንም ፕ/ር ታከለ ተናግረዋል፡፡
ዩኒቨርሲቲው በጥቂሉ ከ70 ሚሊየን ብር በመመደብ ከዎላይታ ዞን አስተዳደር ጋር በጥምረት በመስራት ወጣቱን የሥራ ፈጠራ ባለቤት በማድረግ ተጠቃሚነቱን የማደጋገጥ ሥራ መከናወኑንም ፕሬዝዳንቱ አውስተዋል፡፡
በዎላይታ ሶዶ ዩኒቨርሲቲ የሥራ ዕድል ፈጠራ በዳይሬክቶሬት ደረጃ የአሰራር ሥርዓት መዘርጋቱን የተናገሩት ፕሬዝዳንቱ፤ በቀጣይ ጊዜያትም ከ 4 ሺህ የሚበልጡ ወጣቶችን የሥራ ዕድል ተጠቃሚ ለማድረግ ዕቅድ መያዙን ገልጸዋል፡፡
በዘርፉ በቀጣይ ትኩረት በመስጠት የወጣቶች ስብዕና ግንባታ እንዲሁም የወጣቶች ተጠቃሚነት በሚያረጋግጡ የሥራ ዘርፎችን በመለየት የክህሎት ሥልጠና እንደሚሰጥ አቅጣጫ መቀመጡንም ፕሬዝዳንቱ አሳውቀዋል ሲል ከዩንቨርስቲው ኮሙኒኬሽን ዳይሮክቴሬት ያገኘነው ዘገባ ያመለክታል፡፡
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡-
https://www.facebook.com/wolaitatime/
ቴሌግራም፦
https://telegram.me/Kiikiya
ዩቲዩብ፦
https://m.youtube.com/channel/UCQy9hoOijiE8FStts2SmtXw?noapp=1
በመጠቀም መረጃዎችን ማግኘት ይቻላል።
Wolaita Times, 05/12/13 E.C , Sodo, Ethiopia🇪🇹
