የዎላይታ ሶዶ ከተማ ሕዝብ ምክር ቤት ዶክተር መሠረት በቀለን አዲስ ከንቲባ አድርጎ ሾመ፤ የአመራር ሽግሽጉ በክልሉ በስፋት መቀጠሉ ተገለፀ
የዎላይታ ሶዶ ከተማ ሕዝብ ምክር ቤት ባካሄደው 2ኛ ዙር 14ኛ የሥራ ዘመን 1ኛ አስቸኳይ ጉባኤ፣ ዶክተር መሠረት በቀለን የከተማዋ አዲስ ከንቲባ አድርጎ መሾሙን አስታውቋል።
በከተማ አስተዳደሩ ይህ የአመራር ለውጥ የተደረገው፣ በአካባቢው ማኅበረሰብ ዘንድ በተደጋጋሚ ሲነሱ የነበሩ የመልማት ጥያቄዎችን እና የተስተጓጎሉ የልማት ፕሮጀክቶችን ፈጣን ምላሽ ለመስጠት ታስቦ እንደሆነ ተገልጿል።
ለጉዳዩ ቅርብ ከሆኑ ምንጮች የተገኘው መረጃ እንደሚያመላክተው፣ ይህ የአመራር ሽግሽግና መልሶ የማደራጀት እንቅስቃሴ በዎላይታ ሶዶ ከተማ ብቻ የተወሰነ ሳይሆን በደቡብ ኢትዮጵያ ክልል በሁሉም አካባቢዎች ተጠናክሮ ቀጥሏል።
በተጨማሪም የከተማው ሕዝብ ምክር ቤት በዚሁ ጉባኤው፣ 7ኛውን ሀገራዊ ምርጫ ተከትሎ በከተማ አስተዳደሩ በተለያዩ የኃላፊነት ቦታዎች ላይ የሚመደቡ የሥራ ኃላፊዎችን ሹመት መርምሮ ያጸድቃል ተብሎ እንደሚጠበቅ ታውቋል።
WT Media በአዲሱ አመራር የሚከናወኑ የልማትና የመልካም አስተዳደር ሥራዎችን እንዲሁም የሕዝብ ጥያቄዎች የሚሰጣቸውን ምላሾች ክትትል በማድረግ መረጃዎችን ማቅረቡን ይቀጥላል።