በደቡብ ኢትዮጵያ ክልል በተለያዩ ዞኖችና የከተማ አስተዳደሮች የሚገኙ ህዝብ ምክር ቤቶች ባካሄዷቸው አስቸኳይ ጉባኤዎች አዳዲስ የዞን ዋና አስተዳዳሪዎችንና የከተማ ከንቲባዎችን መሾማቸውን አስታውቋል።
በዚሁ መሠረት በክልሉ በተካሄደው ሰፊ የአመራር መልሶ ማደራጀትና ሽግሽግ የተቀመጡ አዳዲስ አመራሮች፦
በጋሞ ዞን እና አርባምንጭ ከተማ፦
አቶ ገዛኸኝ ጋሞ — የጋሞ ዞን ዋና አስተዳዳሪ
ዶ/ር ኢንጅነር ሀብታሙ መለሰ — የአርባምንጭ ከተማ አስተዳደር ከንቲባ
በጌዴኦ ዞን እና ዲላ ከተማ፦
ዶክተር መስፊን ደምሴ — የጌዴኦ ዞን ዋና አስተዳዳሪ
አቶ ብዙአየሁ ታደሰ — የዲላ ከተማ አስተዳደር ከንቲባ
በዎላይታ ሶዶ ከተማ
የዎላይታ ሶዶ ከተማ ሕዝብ ምክር ቤት ባካሄደው 2ኛ ዙር 14ኛ የሥራ ዘመን 1ኛ አስቸኳይ ጉባኤ፣ ዶክተር መሠረት በቀለን የከተማዋ አዲስ ከንቲባ አድርጎ መሾሙን አስታውቋል።
በጎፋ ዞን፦
አቶ በላይነህ ባህሩ — የጎፋ ዞን ሕዝብ ምክር ቤት ባካሄደው 7ኛ አስቸኳይ ጉባኤ የዞኑ ዋና አስተዳዳሪ ሆነው በሙሉ ድምፅ ተመርጠዋል።
በኣሪ ዞን፦
አቶ አፌዶ ወርቁ — የኣሪ ዞን ሽግግር ምክር ቤት በጂንካ ከተማ ባካሄደው 4ተኛ ዙር 14ተኛ ዓመት 1ኛ አስቸኳይ ጉባኤ የዞኑ ዋና አስተዳዳሪ ሆነው ተሾመዋል።
በደቡብ ኢትዮጵያ ክልል ደረጃ የተጀመረው ይህ የአመራር ሽግሽግ በየአካባቢው ህዝብ ዘንድ በተደጋጋሚ ሲነሱ የነበሩ የመልማት ጥያቄዎችን እና የተስተጓጎሉ የልማት ፕሮጀክቶችን ፈጣን ምላሽ ለመስጠት ታስቦ እንደሆነ ተገልጿል።
WT Media በአዲሱ አመራር የሚከናወኑ የልማትና የህግ የበላይነት ማስከበር ሥራዎችን እንዲሁም የህዝብ ጥያቄዎች የሚሰጣቸውን ምላሾች ክትትል በማድረግ መረጃዎችን ማቅረቡን ይቀጥላል።
Voice of Marginalized Community – WT Media