በዎላይታ ዞን አበላ አባያ ሐይቅ ላይ በሚተገበረው ዘመናዊ የሃይቅ ዳር ከተማ ( Summer City) ፕሮጀክትን በተመለከተ ከባለድርሻ አካላት ጋር አውደ ምክክር ተደረገ።
ወደፊት በሐይቁ ላይ ለሚካሄደው የባህር ሐይል ትምህርት/Maritime Academy/ የሥርዓተ ትምህርት ቀረጻ ንድፍ ቀርቦ ውይይት ተካሂዷል።
በዎላይታ ሶዶ ዩኒቨርሲቲ በአበላ አባያ ወረዳ የሚገኘውን እምቅ የቱሪዝም መስህብ ሥፍራዎችን ለይቶ በማልማት ኢኮኖሚያዊ አቅም ለማጎልበት ታስቦ የተዘጋጀ የምክክር መድረክ መሆኑ ተጠቁሟል።
ፕሮጀክቱ ለበርካቶች ምቹ የሥራ ዕድል ለመፍጠር እንዲያስችል በ2013 በጀት ዓመት ጥናትና ምርምር ተካሂዶ እንደተጀምረ ወደ ስራ እንደተገባ ተገልጿል።
በዛሬው እለትም ይህን የጥናትና ምርምር ውጤት ለባለድርሻ አካላት ይፋ ለመድረግ የምክክር መድረክ የተዘጋጀ ሲሆን፤ በምክክር መድረኩ የንግዱ ማህበረሰብ አባላት፣ የመንግስት ከፍተኛ የስራ ሐላፊዎች፣ የሀገር ሽማግሌዎች፣ የሐይማኖት አባቶች፣ የቱሪዝም ብላሙያዎች እና የዩኒቨርሲቲው ሴኔት አባላት ተሳትፈዋል።
የዩኒቨርሲቲው ፕሬዝዳንት ፕ/ር ታከለ ታደሰ ለተሳታፊዎች ባደረጉት የእንኳን ደህና መጣችሁ ንግግር ዩኒቨርሲቲው ባለፉት ጥቂት ዓመታት በባህል ልማት ዘርፍ መስህብ ከመለየት ጀምሮ ዘርፈ በወላይታና አካባቢው ብዙ ስራ መሰራቱን ገልጸዋል።
የዎላይታ በተላያዩ የመስህብ ስፍራዎች፣ በታሪክ፣ በዓልና ቅርስ ጥበቀና ልማት ላይ እምቅ ሀብት እንዳለው የተናገሩት ፕሬዝዳንቱ፤ ይህን ሀብት አልምቶ መጠቀም በሚቻልበት አግባብ ሰፊ ጥናትና ምርምር ሲካሄድ መቆየቱንም ፕ/ር ታከለ አሳውቀዋል።
ፕ/ር ታከለ አክለውም በአበላ አበያ ሰመር ሲቲ Summer City/ ፕሮጀክት ለማስጀመር ሰፊ ጥናት መካሄዱን ገልጀው፤ ከዚህም ባሻገር በአበላ አባያ ሀይቅ ላይ የባህር ሐይል ትምህርት/Maritime Academy/ ለማስጀመር የሥርዓተ ትምህርት ቀረጻ መደረጉንም ጠቁመዋል።
ዩኒቨርሲቲው ባቀረበው ጥናት መሰረት ባለሀብቱ ሀብቱን በመስህብ ስፍራዎች ልማት ላይ በማዋል ማህበራዊና ኢኮኖሚያዊ ለውጥ ሊያመጣ በሚቻልበትና ለበርካቶች የስራ ዕድል ለመፍጠር አጋርነቱን እንዲያሳይም ፕ/ር ታከለ ጥሪ አቅርበዋል።
በምክክር መድረኩ በክብር እንግድነት የተገኙት የዩኒቨርሲቲው ምክትል ቦርድ ሰብሳቢ እና የዎላይታ ዞን ዋና አስተዳዳሪ ዶ/ር እንድርያስ ጌታ በበኩላቸው ዩኒቨርሲቲው ቁልፍ ማህበራዊና ኢኮኖሚያዊና ለውጥ ለማምጣት የሚያስችል ስራ በመስራት ለማህበረሰብ ለውጥ እየተጋ እንደሚገኝ ተናግረዋል።
በባህልና ቱሪዝም መስክ ዩኒቨርሲቲው ዘርፈ ብዙ በተቀናጀና በአብሮነት ለመስራት ያቀዳቸው ውጥኖች አመርቂ መሆኑን የገለጹት ዶ/ር እንድሪያስ፤ በአበላ አባያ ሐይቅ ላይ ለማስጀመር የታቀደው የአበላ አባያ የሰመር ሲቲ ፕሮጀክት ለወጣቱ ስራ እድል ፈጠራ ጉልህ ሚና እንሚኖረውም ዶ/ር እንድሪያስ ገልጸዋል።
ዩኒቨርሲቲው በሚሰራው ስራ ሁሉ ማህበረሰቡን ለመለወጥ የሚደረገውን እንቅስቃሴ አስፈላጊውን ድጋፍና ክትትል ለማድረግ የዞኑ አስተዳደር ዝግጁ መሆኑን ዶ/ር እንድሪያስ አሳውቀው፤ ጥናቱን ያጠኑ አካላትና ፕሮጀክቱ ወደ ስራ እንዲገባ የሚንቀሳቀሱ አካላትን ሁሉ አመስግነዋል።
መርሃ ግብሩን በተመለከተ፤ የአበላ አባያ ድምር ሲቲ ፕሮጀክት የጥናት ውጤት በዩኒቨርሲቲ መ/ር ረዳት ፕ/ር ኢዮብ አጫ ቀርቧል፤ የፕሮጀክቱ 3D በኢንጂንየር መሳይ አባቡ ቀርቧል፤ እንዲሁም የባሕር ኃይል አካዳሚ(Maritime Academy) ሟቋቋሚያ ስርዓተ ትምህርት ሰነድ በዩኒቨርሲቲው ኢንጂነሪንግ ኮሌጅ ዲን መ/ር ጸጋዬ ዓለማየሁ ቀርቧል።
በቀረቡ ሰነዶች ላይ እየተካሄደ ሲሆን፤ ከተሳታፊዎች ለሚቀርቡ አስተያየቶችን ጥያቄዎች ምላሽ ከተሰጠ በኋላ፤ ከሰዓት በኋላ በሚኖረው መርሃ ግብር የአበላ አባያ ድምር ሲቲ( Summer City) ፕሮጀክት የሚተገበርበት ስፍራ ጉብኝት እንደሚደረግ ይጠበቃል።
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡Wolaita Timese/
ቴሌግራም፦
https://telegram.me/Kiikiya
ዩቲዩብ፦
https://m.youtube.com/channel/UCQy9hoOijiE8FStts2SmtXw…
በመጠቀም መረጃዎችን ማግኘት ይቻላል።
Wolaita Times, 08/01/14 E.C , Sodo, #Ethiopia🇪🇹





