በዎላይታ ዞን የዎላይታ ብሔር የዘመን መለወጫ ጊፋታ በዓል በተለያዩ ዝግጅቶች በደማቅ ሁኔታ ተከብሯል፡፡
ጊፋታ ለፈጣሪ ፀሎት የሚደረግበት በዓል እንደመሆኑ በሀይማኖት አባቶች ፀሎት ተደርገውና በሀገር ሽማግሎች ምርቃት የተደረገ ሲሆን በጦር ግንባር ለተሰው ወገኖች የህልና ፀሎት ተደርጓል፡፡
በጊፋታ በዓል ታርካዊ ዳራና አሁናዊ ሁኔታን ያተኮረ ጥናታዊ ፅሁፍ የዎላይታ ሶዶ ዩኒቨርሲትና የዎላይታ ዞን ባህል ቱሪዝም ቀርበው ሰፊ ውይይት ተደርጎበታል፡፡
የበዓሉ አከባበር ሥርዓት በሌላው አካባቢ የለሌና ውበት ያለው በመሆኑ ቱሪስቶችን በመሳብ በአካባቢውም ሆነ በአገሪቱ ኢኮኖሚ ከፍተኛ ጥቅም እንዳለው የሳይንስ ከፍተኛ ትምህርት ሚኒስትር ዶ/ር ሳሙኤል ኡርቃቶ ተናግረዋል፡፡
የጊፋታ በዓል ባህላዊ፣ ማህበራዊ፣ ኢኮኖሚያዊና፣ ፖለቲካዊ ፋይዳዎች ጎልቶ የሚታዩበት በዓል እንደሆነ የደቡብ ክልል በም/ርዕሰ መስተዳደር ማዕረግ የከተማ ዘርፍ አስተባባሪ ክቡር አቶ ተስፋዬ ይገዙ ገልጸዋል፡፡
የዘንድሮ ጊፋታ በዓል ጁንታዉ ኢትዮጵያን ለማፍረስ በነበረዉ ዕቅድ መሠረት በርካታ ንጹሀንን በጨፈጨፈበት እንዲሁም የሀገራችን ዉድ ልጆች ኢትዮጵያን ለመከላከል በምንም የማይተካ ህወታቸዉን አሳልፎ እየሰጡ ባሉበት ወቅት በመሆኑ የወላይታ ህዝብ በዓሉን የምያከብረዉ ሀዘንና ደስታ በተቀላቀለ ስሜት መሆኑን የዎላይታ ዞን ዋና አስተዳዳሪ ደ/ር እንድርያስ ጌታ ገልጸዋል፡፡
ጊፋታ የአሮጌው ዓመት ማብቂያ የአዲሱ አመት መጀመሪያ መሆኑን የጠቆሙት ዋና አስተዳዳሪው ከጥንት ጀምሮ በዓሉ ሲከበር የኖረ የምስጋናና የደስታ በዓል መሆኑንም አክለዋል።
ለበዓሉ ማድመቂያ የዎላይታ ዞን የኪነት ቡድን አባላት የኪነ ጥበብ ስራቸውንና ሃያሌኬ ባህላዊ ጭፋራዎች ደምቆ እና በተለያዩ ዝግጅቶች ተከብሯል፡፡
ዮዮ ጊፋታ!
ዝርዝር ወቅታዊ፣ ትኩስ እንዲሁም ሚዛናዊ መረጃዎችን ለማግኘት፡-
ዌብሳይት
www.wolaitatimes.com.et
ፌስቡክ፡Wolaita Timese/
ቴሌግራም፦
https://telegram.me/Kiikiya
ዩቲዩብ፦
https://m.youtube.com/channel/UCQy9hoOijiE8FStts2SmtXw…
በመጠቀም መረጃዎችን ማግኘት ይቻላል።
Wolaita Times, 15/01/14 E.C , Sodo, #Ethiopia🇪🇹
