የኬኒያው ፕሬዝደንት ዊሊያም ሩቶ በግብር ጭማሪ ላይ በኬንያ ሀገር አቀፍ ተቃውሞ ካካሔዱ ወጣቶች ጋር ለመነጋገር ፈቃደኛ መሆናቸውን አስታውቀዋል።

የኬንያ መንግሥት በተለያዩ ምርቶች ላይ ሊጥል የነበረው ቀረጥ ከሕዝብ በገጠመው ከፍተኛ ተቃውሞ ምክንያት ውድቅ ቢያደርግም እስካሁን በሀገሪቱ የሚካሄደው ተቃውሞ አልፎ አልፎ እንደቀጠለ መሆኑ ተገልጿል።

ተቋውሞ ተከትሎ ፕሬዝደንቱ “ህዝቡ የሚለውን ካዳመጥን በኋላ ህጉ ላይ ለውጥ አርገናል፣ የሀሳብ ልውውጥ ስላደረግን ደስ ብሎኛል፣ ዴሞክራሲያችን እየሰራ እንደሆነ ማሳያ ነው” ቢሉም በዚህ ያልረካው ህዝብ አሁንም አልፎ አልፍ ተቃውሞውን እያሰማ በሚገኝበት ወቅት በተለይም ሀገር አቀፍ ተቃውሞ ካካሔዱ ወጣቶች ጋር ለመነጋገር ፈቃደኛ መሆናቸውን የገለፁት።

መንግሥት ተግባራዊ ሊያደርገው የነበረው የፋይናንስ ሕግ እንደ ዳቦ ባሉ ምርቶች ላይ እስከ 16 በመቶ የሚደርስ ጭማሪን የሚያደርግ ሲሆን ረቂቅ ሕጉ ለአገሪቱ የተወካዮች ምክር ቤት ከተላከ በኋላ ኬንያውያን ወደ ምክር ቤቱ በማቅናት ጠንካራ የተቃውሞ ድምጻቸውን ማሰማታቸው ተከትሎ ነው ውድቅ የተደረገው።

ማክሰኞ ሰኔ 11/2016 ዓ.ም. ለማፅደቅ የታቀደው Finance Bill “እኛን የሚጎዳ ነው ሊሻሻል ይገባል” በሚል የሚቃወሙ ዜጎቿ በፓርላማው ዙሪያ ሀሳብን በነፃነት የመግለጽ መብታቸውን ተጠቅሞ በፓርላማው በር ላይ የተቋውሞ ድምፅ ማሰማታቸው ብቻ ሳይሆን በሀገሪቱ ከፍተኛ ተደማጭነት ያለው Citizen Tv እና ሌሎች ሚዲያዎች በፓርላማ ውስጥ የሚሆነውን እና በፓርላማው በር ላይ ዜጎቹ የሚያሰሙትን የተቋውሞ ሀሳብ በእኩል ቀጥታ ስርጭት ሽፋን ሲሰጡ ነበር።

ይህ ረቂቅ የፋይናንስ ሕግ በዳቦ፣ በምግብ ዘይት፣ በተሸከርካሪዎች እንዲሁም በሞባይል ገንዘብ ማስተላለፊያ ታሪፍ ላይ ጭማሪ ያደርግ ነበርእንዲሁም ብዙዎች ረቂቅ ሕጉ ተግባራዊ ቢደረግ የልጆች ዳይፐር፣ የሴቶች ንጽሕና መጠበቂያ፣ የኮምፒዩተር እና የሞባይል ስልኮችን ዋጋ ይጨምራል የተባለ ሲሆን እአአ 2022 ላይ ወደ ሥልጣን የመጡት ፕሬዝዳንት ዊሊያም ሩቶ በዓለም አቀፍ ደረጃ ያላት ተቀባይነት እና የአገሪቱ አጠቃላይ ገቢ ጭማሪ ቢያሳይም፤ ኬንያውያን ግን ሩቶ ወደ ስልጣን ከመጡ በኋላ ኑሮ ተወደደ በማለት ቅሬታ ያሰማሉ።
#Ethiopia #kenya

Leave a Reply

Your email address will not be published. Required fields are marked *